tradukoj: be ca cs de en fa fr hu nl pt ru

^*rakont/i

^*rakonti

Detale konigi per paroloj aŭ skriboj okazintaĵon kun ĝiaj cirkonstancoj: rakontu al mia juna amiko belan historion [1]; ŝi rakontis al li sian tutan aventuron [2]; rakonti la akcidenton, sian vojaĝon, siajn impresojn; en tiu ĉi libro la aŭtoro rakontas sian vivon de la infaneco ĝis la nuntempo [3].

rakonto

Tio, kion iu rakontas: mi donis al li la rakontojn pri la malproksima Nordo de Jack London [4]. en „La ludanta lumo“ aperas tri erotikaj rakontoj [5].

rakontisto

Profesia aŭ talenta, kutima diranto de rakontoj: li estas bonega rakontisto [6].

antaŭrakonti

Anticipe rakonti: [la gazeto] antaŭrakonti[s] pri la tributo da insultegoj kaj indignindaĵoj, kiun oni preparas al mia memoro post mia morto, en formo de funebra parolado [7].

bildrakonto

Rakonto prezentata precipe per bildoj: la fruaj bildrakontoj de la 19a jarcento plejparte ankoraŭ ne konis tiun novan lingvon; ĉiu bildo montras scenon kiel ĝi prezentas sin al la okulo, dum la akompana teksto devas klarigi ĉion, en normala, kontinua liriko aŭ prozo ... la sviso Rodolphe Töpffer ... inspiris la ... humuriston Wilhelm Busch; ekde „Der Struwwelpeter“ de Heinrich Hoffmann ĝis hodiaŭ tiu speco estas plej ofte uzata en porinfanaj libroj [8]. bildstrio, komikso

mirrakonto

Rakonto pri plaĉaj, mirindaj aferoj, fabelaj estaĵoj kaj similaj: karavanvojaĝistoj tre amas forpasigi la tempon sur la vojo, en gastejoj ... per rakontado de mirrakontoj [9].

popolrakonto

Rakonto originante ne de unuopa aŭ konata aŭtoro, sed estiĝinta per plurakontado en la popolo, dum kio aldoniĝis pli kaj pli da detaloj kaj variaĵoj: unu el la dolĉegaj popolrakontoj kaj sorĉorakontoj, kiujn la popolaj orientaj poetoj kantas [10].

tio estas alia rakonto

Mi ne plu deflankiĝu, mi revenu al la ĉefa temo: mi tranoktis ĉe Miko du noktojn. Li veturigis min al la universitato, kie mi loĝis en belega esperantujo dum tri semajnoj, sed tio estas alia rakonto [11].

      eble pli koncizigi la klarigan ekzemplon de M. Weichert
      [wd]