tradukoj: be ca de en hu nl ru

¹redakt/i

redakti

1.

Skribe esprimi en definitiva kaj laŭcela formo: redakti artikolon, raporton, cirkuleron, leteron, oficialan akton^B, siajn memoraĵojn, siajn pensojn^B. verki, formuli, vortigi.

2.

Direkti publikigon de gazeto, artikolaro ktp, elektante publikigotajn erojn, reviziante kaj korektante ilin: en la fino de tiu jaro li venis al Ŝanhajo por fiksloĝi kaj redaktis la literaturajn gazetojn Ju Si kaj Ben Liŭ [1]; distingita pro ... la Hejma vortaro, redaktita de li [2].

3.

Enigi, movi, kopii, forigi, ŝanĝi partojn de teksto, bildo aŭ alia datumaro, ŝanĝi ĝian aranĝon aŭ prezenton: redakti unikodan tekstodosieron, programon; forredakti (forigi per redaktado) la HTML-markojn.

redaktejo

Loko kie gazeto estas redaktata: bona verkisto penas por eviti penon al la leganto ‐ kaj plie ne forgesas, ke la unua troviĝas en la redaktejo [3]; gazetistoj forveturis ĉiu en sian redaktejon por verki nekrologon [4].

redaktilo

Programaro por redakti ³: teksta redaktilo (por redakti tekstajn dosierojn); grafika redaktilo (por redakti bildojn, grafikajn dosierojn); tiparredaktilo (por redakti tiparojn, ekz-e por aldoni la ĉapelitajn literojn). UniRed estas redaktilo de simpla unikoda teksto [5]. Simredo 3.3 ‐ Unikoda redaktilo verkita per Ĝavo [6]. literumilo, verkilo.

redaktisto

Persono, kiu profesie redaktas, ekz-e gazeton.