tradukoj: cs de en fr hu it nl pt ru sv

^*verk/i [1]

^*verki

Produkti per spirita laboro artaĵon aŭ sciencaĵon: ĉio alia, kion mi verkis aŭ verkos ... estas nur verkoj privataj [2]; verki libron, operon^B, raporton. aŭtori, komponi, krei

verko

1.

Arta aŭ scienca produkto de la spirito: legi ĉiujn verkojn de Moliero; la glora verko de Pasteur; majstroverko juvelo, perlo, trezoro

2.

(figure) Rezulto de agado: tiu malordo estas la verko de fremduloj^B; kelkdeko da tagoj sufiĉis, por ke la popolo forgesu, ke ĉiuj verkoj de Herhor estis nur plenumo de la intencoj de la juna ... faraono [3]; ili ... ŝajnigas, ke ... la atako kontraŭ la temploj ... estas la verko de Fenicianoj [4].

verkaro

1.

Tuto da verkoj de koncerna aŭtoro: tiu esprimo ne aperas en la verkaro de Zamenhof; la grandega verkaro de tiu filozofo restas disŝutita en sennombraj artikoloj kaj netroveblaj broŝuroj.

2.

Kolekto da verkoj de koncerna aŭtoro, en formo de libro aŭ de libroserio: la plena verkaro de Zamenhof, eldonata de Ludovikito.

verkilo

Tekstotraktilo disponiganta rimedojn por oportuna verkado de diversaj tekstoj, i.a. tekstan redaktilon, literumilon, aŭtomatan kompiladon de indekso, enhavtabelo, diversaj referencaroj ktp.

^*verkisto^Z

Homo profesie verkanta; aŭtoro: verkisto verkas librojn [5].

ĉefverko

Grava verko en iu arto, stilo, lando aŭ de iu homo: la ĉefverkoj de la gotika arkitekturo; montri al alinacianoj, kiel belaj estas la ĉefverkoj de nia landa kulturo [6].

referencverko

Verko kolektanta kaj sisteme prezentanta sciaĵojn pri iu temo, kun mencio de informfontoj: plej klaraj ekzemploj de hiperteksta konstruo estas referencverkoj [7] enciklopedio, kompendio