tradukoj: be cs de en es fr hu it nl pl ru sv

^*send/i [1]

^*sendi

1.

Irigi iun; ordoni aŭ fari, ke iu iru de unu loko al alia difinita loko: sendi siajn servantinojn por anonci^Z; sendi por voki iun^Z; sendi por venigi la kuraciston; la reĝo sendis forprenigi lin de la altaro^Z; (figure) resendi al (atentigi pri) Zamenhofa esprimo.

2.

Portigi ion; ordoni, ke io estu portata de unu loko al alia difinita loko: sendi ŝtonon per ĵetilo^B; sendi leteron; mi sendis mian fotografaĵon al mia patro^Z; sendi al iu donacon^Z; li sendis al mi promeson, ke li ellernos nian lingvon^Z.

3.

(figure) Direkti ian efikon, agon al io; ĵeti 3: la suno sendis siajn radiojn; la fulmo sendis pereigan fajron; sendi sur iun malbonon^Z; mi sendos ĉiujn miajn frapojn sur vian popolon^Z; sendi al iu per la fingroj multe da kisoj^Z; la akva spegulo resendas la bildojn de la arboj; resenda pronomo. adresi, direkti, ekspedi

sendito

Oficiala reprezentanto de unu regno ĉe alia regno, havanta rangon malsuperan al tiu de ambasadoro: senditon oni ne punas nek insultas^Z. agento, delegito, nuncio

dissendi

1.

Irigi al ĉiuj direktoj: li dissendis la kunvenintojn [2]; karboj de la fajrujo dissendis nur malfortan lumon [3].

2.

elsendi antaŭ la dua mondmilito pluraj radioj en Eŭropo dissendis programojn en Esperanto [4].

elsendi

1.

Sendi eksteren, malproksimen, al iu celo: en la horo de la festeno li elsendis sian serviston, por diri al la invititoj: Venu [5].

2.

Sendi sonojn, bildojn, informojn per ondoj aŭ alia telekomunika rimedo: Internacia Televido ... komencis elsendi programojn per propra servilo [6].

forsendi

Sendi por forigi.

plusendi

1.

Sendi ion (precipe poŝtaĵon) pluen de transita loko aŭ al kroma adreso: plusendi interesan retleteron al kolego.

2.

Ricevi signalon en transita punkto, ĝin amplifi kaj sendi en la sama aŭ en alia direkto (precipe por pligrandigi la distancon de komunikado).

kunsendaĵo

En retpoŝto, datumaro (teksto, bildo, sono) sendata kun retletero por ke la ricevonto povu ĝin ekstrakti kaj uzi. la fotojn vi trovos en la kunsendaĵo; mi kunsendas la fotojn kaj sondosieron.
Rim.: Pri la terminformo „kunsendaĵo“ interkonsentis la forumanoj de soc.culture.esperanto post pridiskuto fine de aŭgusto 2000.

plusendilo

Aparato aŭ stacio uzata por plusendi² signalojn: krome ĝi (la sputniko de Marso) servu kiel plusendilo de radio-mesaĝoj inter estontaj sondiloj kaj Tero [7].