tradukoj: be bg ca cs de el en es fr he hu it nl pl pt ru sv tr

^*ŝrank/o [1]

^*ŝranko

Meblo en formo de alta kesto, fermebla per unu aŭ pluraj pordetoj, provizita je bretoj aŭ hokoj por konservi vestojn, tolaĵojn, manĝaĵojn, teleraron aŭ alispecajn objektojn: mi sendis mian serviston pro la mantelo, kaj li metis ĝin en la ŝrankon kun miaj aliaj vestoj [2].

elŝrankiĝi

(frazaĵo) Publikigi memkoncernan aferon, pri kiu oni antaŭe diskretis aŭ sekretis: ekde tiu tempo mi „elŝrankiĝis“ kaj publike koncedas ke mi estas samseksemulo [3]; neelŝrankiĝintaj antisemitoj [4].

kirasŝranko

Metala, fortika ŝranko kun speciala seruro por konservo de multekostaĵoj: la mono estis en la kirasŝranko [5].

libroŝranko

Brethava ŝranko, plej ofte kun vitraj pordetoj, destinita por libroj: la granda libroŝranko, en kiu staris multe da sciencaj kaj interesaj libroj [6].

vestoŝranko

ŝranko por tenado de vestoj, ordinare kun hokoj por ilin pendigi: la rompiĝintan zonon vi trovos en la kesto apud la vestoŝranko [7].