tradukoj: be ca de fr hu nl pl ru

^*tiom

^*tiom

1.

signifanta „tiu kvanto, tiu nombro“: ili prenis sur sin malfacilan taskon ĝuste, kiam ekzistis tiom da malhelpoj^Z; mi ne pensis, ke tiom da homoj pereis; la lipoj, kiujn mi kisadis tiom ofte^Z; tiom pli bone^Z; tiom multe da laboroj kaj suferoj^Z; tiom (tiom multaj) estis la jaroj de la vivo de Sara^Z; tiom malfeliĉoj^Z; tio estas tiom pli grava, ĉar li estas konata de ĉiuj; tiom pli bone por ni^Z.

2.

indikanta intenson aŭ gradon ĉe adjektivo, adverbo aŭ verbo: la esperantistoj tute ne pretendas, ke ilia lingvo prezentas ion tiom perfektan, ke nenio pli alta jam povus ekzisti [1]; estas tiom same prudente preni serioze presan nigraĵon kaj paperon, kiel ĉian alian aferon [2]; tiom same malbone kiel longedaŭran kuntuŝiĝadon kun la aero, la konjunktivo elportas ankaŭ la konstantan foreston de tiu ĉi lasta [3]. Lemuel tiom impresis la servistaron, kiel viro multe supera al ordinaraj kolportistoj, ke ili ne volis trakti lin kiel tian kaj lasi lin okupi rapide preparitan sternaĵon en la servistejo [4]; estis tiom da homoj en la salono, ke ni apenaŭ povis moviĝi; li drinkis tiom, ke li ebriiĝis.

3.

montranta korelativecon: verŝu al mi tiom da akvo, kiom da vino; la patro donis al ni tiom da piroj, kiom da pomoj; mi havas tiom da libroj, kiom (aŭ: kiel) vi; Konfuceismo estas ne tiom religio, kiom filozofio; li havas tiom da kapablo, kiel mi^Z; helpu al li tiom, kiom vi povos; lasu lin demandi tiom, kiom li deziras^Z; mi povas diri almenaŭ tiom, kiom mi ĝin aŭdis^Z; mi prenas kiel atestantojn nin ĉiujn tiom, kiom vi estas^Z; kiom da kapoj, tiom da opinioj [5]; ĝi plaĉos al mi tiom same, kiel se miaj versoj estus elkriataj de publika anoncisto^Z.

tioma

1.

Montra adjektivo indikanta numeron (kioma? ‐ tioma): ĉiun fojon li verdiktis: Ĉapitro tioma estas nepublikigebla... [6].

2.

Estanta en tia kvanto aŭ je tia grado (ke ...): la homo transformas la medion, adaptas ĝin al si kaj sekve okazas, ke la transformiĝo atingas tioman gradon, ke la vivkondiĉoj, la produktaj fortoj fariĝas tute malsamaj [7].