tiel

^*tiel

Tiamaniere, tiagrade: tiel vi kontentigos ĉiujn; se estas tiel^Z; estu tiel afabla kaj sciigu min; ŝia patrino insultis ŝin, kial ŝi revenis tiel malfrue^Z.

a): Tiamaniere, tiagrade (referencante al tiasenca subfrazo): li estas tiel forta, kiel vi^Z; mi zorgas pri ŝi tiel, kiel mi zorgas pri mi mem^Z; ni ne estas tiel naivaj, kiel pensas pri ni kelkaj personoj^Z; elparolu tiel, kiel mi montris al vi^Z; vi agu tiel kiel vi decidos^Z; la kreado de vivipova lingvo ne estas tiel facila afero, kiel al multaj ŝajnas^Z; timi, ke lingvo internacia detruos la lingvojn naciajn, estas tiel same ridinde, kiel timi, ke la poŝto minacas neniigi la buŝajn interparoladojn^Z; tiel same kiel mi en la nuna momenta ne estas ia naciano, tiel same mi ankaŭ sentas ke mi estas nur homo^Z; kiel oni sternas, tiel oni dormas [1]; kiel oni vin taksas, tiel oni vin regalas [2]; kiel la antikvaj Hebreoj tri fojojn ĉiujare kunvenadis en Jeruzalem, tiel ni ĉiujare kunvenas^Z; kiel estas sendube, ke post la nokto venas mateno, tiel sendube estas, ke Esperanto estos enkondukita en komunan uzon^Z; tiuj ĉi provoj estis farataj kiel de privataj personoj, tiel ankaŭ de tutaj societoj^Z; Kalifornio estas tre riĉa lando kiel per mineraloj, tiel ankaŭ per produktaĵoj de la regno kreskaĵa; mi konas lin tiel longan tempon, kian povas ampleksi mia memoro^Z; la suno estis tiel terure arda, kvazaŭ la tero tro proksimiĝis al ĝi.
b): Tiamaniere, tiagrade (referencante al konsekvenco esprimata en subfrazo): la nokto estis tiel malluma, ke ni nenion povis vidi^Z; mi aranĝis plenan dismembrigon de la ideoj en memstarajn vortojn, tiel, ke la tuta lingvo konsistas sole nur el senŝanĝaj vortoj^Z; la provoj de la unua kategorio estis tiel komplikitaj kaj tiel nepraktikaj, ke ĉiu el ili mortis tuj post la naskiĝo^Z; se vi ne akirus la amon de la princo, tiel ke li pro vi forgesu patron kaj patrinon...^Z; nur se homo vin tiel ekamus, ke vi estus por li pli ol patro kaj patrino...^Z. kiel 4, tiom.