tradukoj: en it pl ru sv

ukrajn/o

ukrajno

1.

(malofte) Ano de la ukrajna etno (la plej granda etno de Ukrajnujo): la ukrajnoj estas orientslava etno; ukrajnoj, kaŭkazanoj ekbatalis por la libereco patruja [1]; la poloj nur parolos la polan lingvon, la germanoj la germanan, la ukrajnoj la ukrajnan kaj la kazaĥoj la kazaĥan [2]. ukraino

2.

(evitinde) (arkaismo) Ukrajnujo stepo (estas) senarba ebena grandskala herbejo en Siberio kaj Ukrajno [3]. La ukrajnoj mem kaj plimulto da esperantistoj malakceptas tian landan signifon por la radiko, kiu ŝajnas negi ilian naciecon, prezentante ilin kiel nurajn landanojn, ne kiel nacion; tamen PIV1 kaj la Akademia Rekomendo el la „Aktoj III“ ĝin rekomendas.

ukrajnino

Ino el la ukrajna etno: mi mem estas ukrajnino [4].

ukrajna

Rilata al ukrajnoj aŭ ilia lingvo kaj lando: la ukrajna lingvo rememorigas per siaj gracio kaj dolĉsoneco la malnovgrekan [5].

Ukrajnujo

Granda lando en la Orienta Eŭropo, kies ĉefurbo estas Kievo: certan tempon dum siaj studentaj jaroj „li multe studis kaj okupiĝis pri la kolonizo de tero en Ukrajnujo fare de hebreoj ...“ [6]; Paŭlo la 6a esprimis sian „profundan kaj konstantan“ amon al la katolikaj komunoj de Ukrajnujo [7].