PMEG

Por priskribi A-vorton oni uzas normale E-vorton aux E-vortecan vorteton. La priskribo staras preskaux cxiam antaux la A-vorto:

• vere felicxa
• ekstreme longa
• mirinde bela
• tre felicxa
• tiel bela
• pli bela
• iom varma
• apenaux komprenebla

Sed se la priskribata A-vorto estas participo, priskribanta E-vorto aperas cxu antaux gxi, cxu post gxi:

• pekinta senintence^[FE.22]
• multe drinkinta

Oni povas uzi O-vortan frazparton por priskribi A-vorton. La priskribanta frazparto havas cxiam rolvorteton aux N-finajxon. Se gxi havas rolvorteton, gxi staras normale post la A-vorto. Se gxi havas N-finajxon, gxi staras normale antauxe:

• longa je dek metroj
• legebla sen helpo
• scivolema pri cxio ajn
• plena de akvo
• farita de mi
• legata de multaj homoj
• skribita per krajono
• mil metrojn alta
• kelkajn pasxojn distanca

Se A-vorto esprimas objektan agon, N-finajxa priskribo montras la objekton de tiu ago:

• esprimanta grandan inteligentecon^[M.41]
• dirinta la veron^[FE.24]

Oni povas priskribi A-vorton per kompara esprimo kun kiel aux ol. Tia priskribo staras cxiam post la A-vorto:

• longa kiel serpento
• stulta kiel azeno
• felicxa kiel infaneto
• longa kiel tiu cxi sxnuro
• sama kiel mi
• pli longa ol serpento
• pli stulta ol azeno
• pli felicxa ol li

Por priskribi A-vorton oni ankaux povas uzi subfrazon kaj I-verbon. Tia priskribo staras cxiam post la A-vorto:

• Mi estas felicxa, ke mi vin akceptos.^[LR.93]
• Ili estis auxdintaj, ke la regxo venos viziti.
• Mi estas kapabla instrui nur la francan lingvon.^[M.57]