GE = "ambaux seksoj". GE estas uzata cxe viraj kaj sekse neuxtraj vortoj por doni al ili ambauxseksan signifon.
Legu ankaux pri la sufikson IN kaj pri prefikseca VIR.
GE plej ofte montras paron:
Gedoktoroj logike devus esti paro, en kiu ambaux estas doktoroj. Tial oni nuntempe apenaux uzas vortojn kiel gedoktoroj pri paro.
GE ankaux estas uzata cxe parencovortoj por montri grupon de parencoj el ambaux seksoj:
GE estas ankaux uzata pli gxenerale por montri, ke ambaux seksoj cxeestas en grupo:
Se vorto per si mem estas sekse neuxtra, oni ne bezonas aldoni GE, krom se oni volas aparte emfazi, ke ambaux seksoj cxeestas. Normale oni diru simple lernantoj, samideanoj, doktoroj kaj homoj. Legu pli pri la seksa signifo de radikoj kaj O-vortoj.
Malofte GE aperas antaux io, kio mem ne povas havi sekson. Tia GE-vorto montras, ke io koncernas ambaux seksojn, ofte kun sxerca nuanco. Tiaj vortoj estas nenormalaj, kaj oni ne uzu ilin tro multe:
GE-vorto kun O-finajxo povas normale esti nur multe-nombra, cxar devas esti pli ol unu por ke ambaux seksoj povu cxeesti. Sed oni iafoje provas strecxi la signifon de GE al la simila signifo "iu ajn el la du seksoj". Tiam oni povas fari vortojn kiel gepatro = "patro aux patrino", geedzo = "edzino aux edzo". Tia uzo tamen ne estas normala, kaj multaj opinias gxin nelogika kaj nekorekta. Tiaj vortoj estas tamen kompreneblaj kaj povas esti utilaj. La estonteco montros, cxu ili akceptigxos. GE-vorto kun alia finajxo ol O montras nepre pli ol unu, ekz.: gepatra decido (pri infano) = "decido de ambaux gepatroj (pri infano)", gepatra lingvo = "lingvo de ambaux gepatroj". Alie oni dirus patrina lingvo aux patra lingvo. (Oni uzas tamen gepatra lingvo ankaux kiel gxeneralan esprimon por denaska lingvo, cxar tian lingvon oni plej ofte lernas de ambaux gepatroj.)
Praktike oni tre malofte uzas GE kiel ordinaran radikon.