PMEG

Per CXJ oni faras karesajn nomojn de viroj. Komparu kun NJ kaj ET. Antaux CXJ oni uzas mallongigitan formon de la nomo. Kutime oni konservas cxirkaux 1 gxis 5 literojn:

• Johano → Johancxjo^[FE.38] aux Jocxjo^[FE.38]
• Nikolao → Nikolcxjo^[FE.38] aux Nikocxjo^[FE.38] aux Nikcxjo^[FE.38] aux Nicxjo^[FE.38]
• Ernesto → Ernecxjo^[FE.38] aux Ercxjo^[FE.38]
• Vilhelmo → Vilhelcxjo^[FE.38] aux Vilhecxjo^[FE.38] aux Vilcxjo^[FE.38] aux Vicxjo^[FE.38]
• papago → Papcxjo^[FA1.89] (karesa nomo de vira papago)
• Patro → Pacxjo
• Onklo → Ocxjo
• Frato → Fracxjo

CXJ, same kiel NJ, estas iom aparta sufikso, cxar gxi ne komencigxas per vokalo, kaj cxar oni povas mallongigi la radikon antaux gxi. Iafoje oni eble povus unue aldoni la sufikson UL, se tio helpus krei pli bonsonan formon: Petro → Petrulo → Petrucxjo k.s. Tio tamen ne estas tradicia, nek eble tute logika, sed kiam temas pri karesnomoj, nek tradicio, nek logiko, nek strikta gramatiko, estas tre gravaj. Karesnomojn oni fakte povas krei tute lauxplacxe (ekz. per pruntado el aliaj lingvoj).