EJ = "loko, spaco, domo, cxambro k.s. destinita por io". Komparu kun UJ kaj ING. Tio, kio staras antaux EJ, cxiam estas tio, kio okazas aux trovigxas en la loko.
EJ povas montri lokon, kiu ekzistas speciale por certa agado:
La vorto pregxejo estas tradicie uzata precipe por Kristana pregxejo, dum oni preferas specialajn vortojn por pregxejoj de aliaj religioj: moskeo, sinagogo, templo k.a. Sed pregxejo ja povas esti uzata por cxia religio. Por Kristana pregxejo ekzistas ankaux la speciala vorto kirko (tre malofte uzata). Plej simple oni tamen precizigas per: Kristana pregxejo, Islama pregxejo, Hinduisma pregxejo k.t.p.
EJ povas montri lokon, kie oni tenas aux vendas ion:
Je bezono oni povas precizigi: cigartenejo, cigarvendejo, cxapeltenejo, cxapelvendejo, librovendejo k.t.p.
Post nomo de kultivata planto EJ montras lokon de kultivado:
Se temas pri fabriko aux simile, oni prefere uzu pli klarajn kunmetojn: tabakfarejo = "loko, kie oni produktas cigaredojn kaj aliajn tabakajxojn", sxtalejo aux sxtalfabriko = "fabriko de sxtalo", gisejo aux gisfabriko = "fabriko de gisoj kaj gisajxoj".
Iafoje EJ montras lokon en la naturo, kie abundas io:
EJ povas montri lokon, kie certa persono, grupo aux speco de personoj laboras, agas, vivas aux simile:
EJ-vorto, kiu montras ian oficejon aux laborejon, povas ankaux esti uzata figure por la personaro, kiu laboras tie:
La tuta redaktejo [= redakcio] klopodis por fini la jxurnalon gxustatempe. Efektive ne la ejo mem klopodis, sed la jxurnalistoj kaj aliaj laborantoj tie.
La ministrejo [= ministerio] pri financoj hieraux informis, ke...
Cxu la konsulejo donis al vi vizon?