tradukoj: be bg ca de en fr he hu nl pl pt ru tr

^*drink/i

^*drinki

Trinki ebriigaĵon por plezuro aŭ memforgeso aŭ ceremonie ktp: drinki vinon; drinki kiel funelo; li malsanas, ĉar li drinkadis la tutan semajnon; postdrinka kapdoloro^Z; la festenestro alvokis la fianĉon kaj diris al li: ĉiu homo prezentas unue la bonan vinon kaj kiam oni jam drinkis tiam la malpli bonan [1]; (frazaĵo) ne pekas drinkulo, pekas ebriulo [2]; kia ofero, devi drinki bieron por la sano!!! [3]; en tiuj pasintaj multaj jaroj ni aŭdis pri neniu kriŝnano, kiu uzas aŭ vendas drogojn, fumas, drinkas alkoholon [4]; mi iras al taverno kaj drinkas tekilon, aŭ ĝinon sen toniko [5]. fumi
Rim. 1: Do, se gasto diris „mi trinkas nur akvon“, tio normale implicas ke li ne trinkas alkoholon, teon, kafon ktp, sed se li diris „mi drinkas nur vinon“ oni ja povas krome proponi al li teon aŭ kafon ‐ sed ne brandon aŭ bieron.
Rim. 2: PIV2 precizigas, ke drinki estas „trinki alkoholaĵon en nemodera kvanto“. Tio ŝajnas troa: supozeble ĉe la edziĝfesto en la Kana Galilea ne temis pri maldecaĵoj, kaj la vorto „drinkejo“ ne neprigas tion. [Sergio Pokrovskij]

drinkaĵo

Ebriiga, alkoholenhava trinkaĵo: la delikata bonodoro de la floroj ebriigis ŝin kvazaŭ drinkaĵo [6].

^*drinkejo

Trinkejo de alkoholaĵoj: vi volas forlasi min, por foriri en la drinkejon [7].

drinkemulo

Homo, kiu volonte drinkas: drinkemulo kaj manĝegemulo malriĉiĝas [8].

fordrinki

Perdi, forigi per drinkado: en tiu ĉi jaro li jam havis tempon fordrinki sian tutan havon kaj la havon de sia edzino [9]. fordrinki sian ĉagrenon.