tradukoj: be de en es fa fr hu nl pl pt ru sv tp

¹ebri/a [1]

ebria

1.

Konfuzita de alkoholo: duonmorte ebria; kiel longe vi restos ebria? forigu vian vinon el vi [2]; vi trinkos sangon ĝisebrie de Mia buĉofero [3]. malsobra

2.

(figure) Konfuzita de sento, pasio, emocio: ebriaj de l' ĝojo [4]; ebria pro la venko; dormebria pro subita vekiĝo [5].

ebrii

Senti konfuzon pro alkoholo, similefika drogo aŭ sento: la maato ebriis kaj ne sobriĝis antaŭ Bulonjo [6].

ebrio

Mensa stato de ebria homo: vera opinio montriĝas en ebrio [7]; ebrio de amo, de entuziasmo. deliro, frenezo

ebrieco

ebrio Noa vekiĝis de sia ebrieco [8];

ebriiga

Kaŭzanta mensan konfuzon de ebrio aŭ simila al ebrio: la vino estas blasfemanto, ebriiga trinkaĵo estas sovaĝa [9].

ebriigaĵo^Z

Ebriiga trinkaĵo.

ebriigi

Kaŭzi ebrion: ni ebriigu nian patron per vino, kaj ni kuŝu kun li, por ke ni aperigu de nia patro idaron [10]; lin ebriigis la sukceso^B.

ebriiĝi

Atingi tian konfuzon, kian donas konsumo de alkoholo: [Noa] trinkis el la vino kaj ebriiĝis, kaj nudiĝis en sia tendo [11]. drinki

ebriulo

Homo en ebria stato: por ebriulo ne ekzistas danĝero [12].

malebriiĝi, elebriiĝi

Ne plu ebrii, senkonfuziĝi, sobriĝi: jam du sitelojn da akvo oni elverŝis sur lin, sed ĝis nun li ne malebriiĝis [13]; estas nur nun, ke mi kvazaŭ elebriiĝas [14].

postebrio

Kapdoloro, okazanta post ebrio: ĉe tagiĝo ni estis jam satdormintaj kaj iom postebriaj [16].