tradukoj: be br cs de en es fr he hu nl pl pt ru

^*not/o [1]

^*noto

1.

Mallonga enskribo memoriga aŭ komenta: fari, konservi notojn pri fakto, parolado, adreso, dato; mallongaj notoj komercaj [2]. la diversloke en la kajeroj troviĝantaj notoj [3]; presigi notojn pri lingvo internacia^Z.

2.

Skriba signo lokita sur muzika liniaro por montri la altecon kaj daŭron de la tono.

a)

La sono mem, prezentata per noto², en kantado aŭ en muzikila plenumo: la fingroj trovu la ekzaktan lokon por ludi ekzaktan noton [4]; falsa noto .

b)

(figure) Aparta distingiga eco aŭ nuanco (laŭ noto^2.a): lia stilo havas tre personan noton; tio portis funebran noton en la ĝojan feston.

3.

Oficiale uzata signo por indiki takson de scioj aŭ konduto de lernanto: ĉiuj, kiuj havis la noton „tre bone“ aŭ „bonege“, ricevis lokon [5]; ricevi bonan noton pri matematiko. poento

notoj

Teksto de muzika verko prezentita per notoj²: ŝi konservis ĉion, kio lin povis rememorigi: la librojn, de li iam legitajn, ... notojn kaj versojn, kiujn li por ŝi transskribis [6]; notfako en biblioteko.

noti

1.

Skribi pri io mallongan memorigan resumon: notu la daton; dika nigra libro, en kiu oni notis malaperintajn ŝipojn [7].

2.

(figure) Priatenti kaj konservi en sia memoro: notu al vi tiun konkludon en la kapo^Z; la estraro havas konsiderojn subtilajn: malgraŭ ke estas malproksime, ĝi tamen notas al si en la cerbo [8]; notu ke mi venos.

prinoto

Komenta noto pri iu temo, informo, afero...: la rakonto estas skribita el miaj prinotoj kaj kun mia propra stilo [9]. gloso

banknoto

monbileto oni ja diras, ke ĝi signifas novan feliĉon, kiam la banknotoj estas novaj [10].

diplomatia noto

Oficiala diplomatia dokumento, formale avizanta pri problemo en interŝtataj rilatoj (protesto, sciigo pri iu incidento ktp). memorando

piednoto

Komenta noto de skriba verko, kiu aperas en la malsupra, pieda parto de paĝo: la nun aĉetebla eldono de 1954 enhavas multajn piednotojn [11].