tradukoj: bg cs de en es fr grc hu it ku nl pl ru sv tr zh

^*skrib/i [1]

^*skribi

1.

Grafike prezenti parolojn per literoj aŭ aliaj konvenciaj desegnoj: la patro ne legas libron, sed li skribas leteron [2]; skribi literojn, nulojn; li scipovas nek legi, nek skribi; viaj leteroj estas ĉiam skribitaj tute nelegeble [3]; li skribas kiel kokino (tute nelegeble);

a)

Per tiaj rimedoj esprimi pensojn: skribi en gazeto; verse skribita rakonto; mi trovis ankaŭ altaron, sur kiu estis skribite: „al dio nekonata“ [4]; kiel estas skribite (en la Biblio); (figure) sur ŝia vizaĵo estas skribita (montriĝas, evidentiĝas) mildeco; (figure) Mi skribos Mian leĝon sur ilia koro^Z.

b)

Per skribaĵo sciigi al iu : mi skribos al li, ke mi deturnas de li mian manon, ke li neniam venu antaŭ miaj okuloj^Z.

c)

Registri, decidi per skribo aŭ kun simila aŭtoritato: Vi skribas kontraŭ mi maldolĉaĵon^Z; respondis Pilato: kion mi skribis, tion mi skribis (neŝanĝeble); ve al tiuj, kiuj skribas maljustajn verdiktojn^Z; estis skribite (de la fatalo).

2.

(komune) Registri datumojn sur daŭran materialon por konservo.

3.

Sendi datumon el pli alta nivelo de la memorhierarkio al malpli alta (periferia), ekzemple el la ĉefmemoro sur diskon.

skriba

Skribita, perskriba: skriba literaturo^Z; ni faris la kontrakton ne skribe sed parole^Z.

skribo

1.

skribado

2.

skribsistemo la korea skribo povas aspekti simile al la simboloj de la ĉina kaj japana; sed fakte temas pri tute alia sistemo [5].

3.

skribaĵo (frazaĵo) diron oni neas, skribo ne pereas [6]; la Sankta Skribo^Z.

4.

skribmaniero

^*skribado

Uzado de literoj aŭ aliaj signoj por skribi: bastoneto, sur kiu oni tenas plumon por skribado, estas plumingo [7].

skribaĵo

Serio da signoj notantaj parolojn, kalkulojn aŭ aliajn komunikaĵojn: sur la memorŝtono estas skribaĵo [8]. dokumento

skribejo

Loko taŭge aranĝita por skribado.

skribilo

Ĉio, kio servas por skribi: mi prenis la etenditan paperon kaj rigardis la pinton de la skribilo [9].

^*skribilaro

Sortimento de skribiloj: mia skribilaro konsistas el inkujo, sablujo, kelke da plumoj, krajono kaj inksorbilo [10].

^*skribisto

Homo, kies profesio estas skribi aŭ transskribi: skribisto simple transskribas paperojn [11].

belskribado

Belarto de skribado, precipe de manskribado; kaligrafio.

belskribisto

Homo kapabla pri belskribado; kaligrafo: manskribaĵo de sinjoro Guozhu estis en stilo flua kaj fluga kiel verko de belskribisto [12].

^*ĉirkaŭskribi

1.

Marki limojn ĉirkaŭ io; enfermi en limojn: ĉirkaŭskribi temon, serĉon.

2.

(malofte) Skribi ĉiudirekten: antaŭ li estas kelkaj libroj en la germana lingvo, aro da skizaĵoj, ĉirkaŭskribitaj folioj da papero [13].

3.

[14](fakula ĵargono) Trovi geometrian figuron desegneblan ĉirkaŭ dua, tiel ke la dua estu enskribita en la unua: ĉirkaŭskribi kubon ĉirkaŭ sfero.

ĉirkaŭskribita

(p.p. geometria figuro rilate al alia) Tia, ke la dua figuro estas enskribita en la unua.

enskribi

1.

Skribe meti en ion: en Via libro estis enskribitaj ĉiuj tagoj destinitaj [16]; (figure) glore enskribi sian nomon en la historion^Z. gravuri, registri, stampi.

2.

Registri kiel ŝuldon aŭ bonhavon: tiun ĉi sumon mi enskribis en vian kalkulon^Z, en vian krediton^Z, en vian ŝuldon^Z;

3.

[17](fakula ĵargono) Trovi la plej grandan geometrian figuron de unu tipo, kiun eblas desegni ene de figuro de dua tipo: enskribi plurlateron en cirklo(n), sferon en piramido(n). ĉirkaŭskribi.
Rim.: Por doni precizan difinon necesas konsideri la du apartajn tipojn de figuro. Vd enskribita.

enskribita

1.

[18] (p.p. plurlatero rilate al cirklo aŭ p.p. pluredro rilate al sfero) Tia, ke ĉiuj ĝiaj verticoj situas sur la cirklo, aŭ sur la sfero: ĉiuj verticoj de enskribita pluredro situas egaldistance al iu punkto, kiu estas la centro de sfero, en kiu ĝi estas enskribita.

2.

[19] (p.p. cirklo rilate al plurlatero aŭ p.p. sfero rilate al pluredro) Tia, ke ĝi tanĝas ĉiujn laterojn de la plurlatero, aŭ ĉiujn facojn de la pluredro: por ĉiu triangulo kaj por ĉiu regula plurlatero ekzistas enskribita cirklo; por ĉiu kvaredro kaj por ĉiu regula pluredro ekzistas enskribita sfero.

3.

(p.p. sfero rilate al konuso aŭ cilindro) Tia, ke ĝi tanĝas ĉiujn naskantojn de la dua figuro.

priskribi

Distinge kaj vive prezenti ion per vortoj, tiamaniere, ke la aŭdanto aŭ leganto povas ĝin sufiĉe precize imagi: li detale priskribas siajn infanjarojn, la vivon de sia familio [20]. desegni, pentri, rakonti, skizi

postskribo

Noto, aldonita fine de letero, post la subskribo: tion ŝi mem propramane aldonis en postskribo, en kiu ankoraŭ estis dirite: „Amikan saluton al Knut!“ [22].

subskribi

Skribi sian nomon sub io por montri sian aŭtorecon aŭ sian aprobon: en 1948 multaj landoj ... subskribis la Deklaracion de Homaj Rajtoj [23]. parafo

subskribo

Skriba almeto de sia nomo, ordinare malsupre de dokumento aŭ aĵo, por marki posedon, aŭtentikon, konsenton: sigelo

surskribo

Skribaĵo sur objekto aŭ monumento: fragmento de ŝtono kun hebrea surskribo [24].

^*transskribi

1.

Kopii tekston en alian dokumenton: verkisto verkas librojn, kaj skribisto simple transskribas paperojn [25].

2.

Reskribi tekston per alia skribsistemo aŭ ortografio: transskribi ĉinan tekston per latinaj literoj; transskribi anglan vorton per la Internacia Alfabeto Fonetika.

plugoskribi

Skribi en antikva skribmaniero, ĉe kiu la parnumeraj linioj havas kontraŭan direkton ol la neparnumeraj, simile al la sulkoj de kamparano pluganta sian kampon: plugoskribadon praktikis prakritanoj, ĥetidoj, etruskoj k.a.; en plugoskribaĵo alterniĝas la linioj dedekstraj kaj la demaldekstraj, aŭ (malpli ofte) desupraj kaj desubaj.

Sankta Skribo

Verko, kiun religia grupo rigardas die inspirita: laŭte li proklamis la vortojn de la Sankta Skribo [27].

skriberaro

Misa uzo de literoj rilate al ortografio: en la sciencaj nomoj troveblas kelkaj skriberaroj [28]. preskoboldo

skribmaniero

1.

Ies persona stilo manskribi (precipe pri la aspekto de la literoj): la koverto estis surskribita per junece nestabila, kvazaŭ infaneca skribskribo [29]; datoj mankas, sed la malsamaj inkkoloro kaj skribmaniero pruvas, ke ĝi estis skribita en malsamaj tempoj [30].

2.

Maniero aranĝi skribon (ortografiaj konvencioj, skriba sistemo ktp): disa, kuna, minuskla skribmaniero; sed, se vi deziras anstataŭigi la supersignon en ĉ kaj ŝ, vi nepre devas anstataŭigi ĝin ankaŭ en ĵ, ĥ kaj ĝ, ĉar ... uzado de ia skribmaniero miksita estus jam arbitraĵo kaj kondukus al ĥaoso [31].

skribmaŝino

tajpilo

^*skribtablo

Tablo uzata por skribi, ordinare kun tirkestoj, ilaroj kaj similaj: en mia skribotablo sin trovas kvar tirkestoj [32]; skribtablo aŭ skribotablo (= tablo, sur kiu oni skribas) [33].