tradukoj:
be ca cs de en es fr hu nl pl pt ru tr
1poem/o
poemo
- 1.
Grandforma poeziaĵo,
pli longa ol balado, ofte
disdividita en ĉapitrojn (ĉi-okaze kutime nomatajn
kantoj3):
antikvaj Hindaj poemoj
[1];
la eposaj poemoj de Homero;
la filozofia poemo de Lukrecio
„Pri la naturo de la aĵoj“;
la romantikaj poemoj de Bajrono;
jam ne plu temas pri poemo verkita en Esperanto
(„La infana raso“ de W. Auld),
sed pri poemo, kiu povus esti verkita en neniu alia
lingvo, ol Esperanto
[2];
senkompara riĉo kaj koncizo, multflanka filozofia erudicio
kiun li (Danto) enverŝas en sian Poemon
(t.e. en la Dian Komedion) kaj al kiu similan
li supozas ankaŭ en la leganto
[3].
- 2.
- (evitinde)
Poeziaĵo
Rim.:
La poemoj1 ekzistas en ĉiuj
literaturoj, sed ial la okcidentaj lingvoj malhavas terminon
por tiu formo poezia, kaj la okcidentaj esperantistoj ofte
nomas poemo ĉian ajn poeziaĵon. Por parolanto de lingvo kiu
havas apartan nomon por poemoj1
tio estas egale stranga, kiel nomi ĉian prozaĵon romano
(celante ĉi tiun analogion, Kabe en sia vortaro difinis
poemon kiel „romanon en versoj“).
La vorto poemo tamen estis oficialiginda nur por la strikta
senco grandforma, alie ĝi estus malnecesa duoblaĵo por la
vorto „poeziaĵo“.
[Sergio Pokrovskij]
poemaro
- 1.
-
Kolekto da
poemoj1:
tradicia majstroverko de orienta poeto estis
poemaro el kvin poemoj, nomata „Kvinopo“.
- 2.
-
Kolekto da
poeziaĵoj:
„Plena poemaro“ de Eŭgeno Miĥalski, eldonita en
Serio
Stafeto (numero 18a, 1994).
[^Revo]
[poem.xml]
[redakti...]
[artikolversio:
1.19 2009/10/25 17:31:25 ]