tradukoj: cs de en fr hu nl ru

^*kolekt/i

^*kolekti

1.

Venigi plurajn personojn en unu saman lokon por ia komuna celo: kolekti siajn amikojn ĉirkaŭ si^B; kolektu al mi miajn fidelulojn^Z; ŝi embuskas kiel rabisto kaj kolektas ĉirkaŭ si malhonestulojn^Z; la vizaĝoj kolektitaj ĉirkaŭ la kameno estis ĝojaj^B; la kokino kolektas siajn idojn sub siaj flugiloj; kolekti trupojn, armeon, lernantojn, kongreson, konsilantaron; tiu societo kolektas la inteligentularon; du pentraĵoj kolektis ĉirkaŭ si amason da admirantoj^Z. arigi, mobilizi.

2.

Kunmeti apartajn objektojn por komuna destino; arigi disaĵojn: kiu groŝon ne respektas, riĉecon ne kolektas [1]; kolekti trezorojn, flugfoliojn, librojn, pentraĵojn, poŝtmarkojn, citaĵojn, sentencojn (kompili); la dense kolektitaj tegmentoj^Z; kiu povas kolekti la venton en siajn mankavojn^Z? kolekti sciigojn, informojn, spertojn; (figure) fine mi povis kolekti miajn senordajn pensojn^B; estis neeble kolekti (ordigi) siajn pensojn^Z; kolekti sian kuraĝon^Z, siajn fortojn^Z.

3.

Levi de tero kaj kunigi por forporti kun si: kolekti pecetojn de rompita vazo; kolekti pajlon^Z, lignon, mortintajn branĉojn por hejtado^Z; la formiko kolektas dum la rikolto sian manĝon^Z; kolekti mortintojn sur batalkampo.

4.

Ŝiri de la trunko kaj kunigi por forporti kun si: kolekti florojn^Z, vinberojn^Z, pomojn, la grenon; kolektado de fruktoj^Z. rikolti, deŝiri.

5.

Depostuli de privatuloj la monon, kiun ili ŝuldas al la ŝtato, laŭ la budĝeto: kolekti impostojn.

kolekto

1.

Ago kolekti.

2.

a)

Aro da kolektitaj personoj aŭ objektoj: kolekto (amaso) da homoj^Z (armeo); kolekto de 20–30 personoj^Z; tiu frazo estas nur bele sonanta kolekto da vortoj^Z.

b)

Libro aŭ publikigaĵo, kiu konsistas el kolektitaj similaj tekstoj aŭ dokumentoj: kolekto da leĝoj (kodekso, kodo); kolekto da historiaj faktoj (kroniko); kolekto da eseoj (festlibro); kolekto da citaĵoj (kompilaĵo); kolekto da desegnaĵoj, da fotografaĵoj (albumo); kolekto da anekdotoj (anekdotaro); kolekto da poemoj (poemaro). tekstaro-ar

c)

Aro da objektoj, dokumentoj aŭ naturaĵoj, kiujn oni kune konservas pro ilia arta, scienca, historia valoro, aŭ malofteco: antaŭ la milito li havis ampleksan kolekton de japanaĵoj [2]; kolekto da pentraĵoj (galerio, pinakoteko) ; kolekto da libroj (biblioteko²); kolekto da poŝtmarkoj (filatelo); botanika kolekto; kolekto da bestoj (menaĝerio); muzeo, kabinetopeco, perlo

d)

serio Kolekto Esperanta aprobita de D-ro Zamenhof. volumoseriaĵobiblioteko³

e)

Kolektitaj numeroj de periodaĵo: mi vidis la tutan kolekton de la Nica Literatura Revuo [3].

kolektisto^Z

Oficisto, kiu kolektas la impostojn.

kolektiĝi

Sin kolekti aŭ esti kolektita; kunveni, kuniĝi, amasiĝi: amaso da zumantaj insektoj kolektiĝis ĉirkaŭ ni; kolektiĝis kongreso el fakuloj^Z; la larmoj kolektiĝis en ŝiaj okuloj^Z; sub la sankta signo de l' espero kolektiĝas pacaj batalantoj^Z; li mortis kaj alkolektiĝis al sia popolo^Z; baloj kaj kolektiĝoj sekvis unu la alian^Z; la kolektiĝojn de la akvo Dio nomis maro^Z. kunflui, grupiĝi.

enkolekti

Kunigi en unu tuton por konservi are: enkolekti grenon^Z, vinberon^Z, ovojn^Z; ni similas al akvo, kiu estas verŝata sur la teron, kaj kiun oni ne povas enkolekti^Z; enkolektado de fruktoj^Z.

forkolekti

Kunigi kaj forporti, tiel ke nenio plu restu sur la loko: kiam vi rikoltos en via vinberejo, ne forkolektu la restaĵon post vi: io restu por la fremdulo [4].

postkolekto

Kolekto ¹ de tio, kio restas post la unua kolekto: ĉu la postkolekto de Efraim ne estas pli bona ol la tuta vinberkolekto de Abiezer? [5]. postrikolto

ŝirkolekti

kolekti ⁴ ŝirkolekti florojn^Z.

herbokolekto

Kolekto de vegetaĵoj, sekigitaj kaj ordigitaj laŭ scienca klasifiko.

jarkolekto

La tuto de la dum unu jaro aperintaj numeroj de periodaĵo. jarvolumo