tradukoj: be cs de en fa fr hu nl pt ru

^*progres/i [1]

^*progresi

Antaŭeniri al supera grado de disvolviĝo, perfektiĝi: tie li povis pli bone esti instruata kaj pli bone progresi; progresi en la studado, en la civilizo; la afero rapide progresas; la preparoj por la ekspozicio kontentige progresas; la scienco, moralo ĉiutage progresas; malgraŭ progresinta leĝaro la indianoj vivas mizere; nuntempe muzika kulturo de Esperantujo iom malpli progresas kompare al poezi-kulturo [2]; ŝajnas, ke la plej populara libreto pri gramatiko por progresantoj, plene en Esperanto antaŭe estis „La tuta esperanto“ de Henrik Seppik [3].

progreso

Iompostioma disvolviĝo al pli alta grado: la progreso de la scienco, malsano. paŝo

progresema

Faciliganta la progreson de la civilizo: progresema ministro.

progresigi

antaŭenpuŝi, akceli, disvolvi, plibonigi, perfektigi.

progresinto

Lernanto, kiu jam progresis, havas sciojn en la koncerna temo: legolibreto por komencantoj kaj progresintoj [4].

malprogresi

Perdi atingitan nivelon de disvolviĝo, kadukiĝi, degeneri, malkreski: en Bervala ŝpinejo la produktado malprogresas [5]; mi supre konstatis, ke Esperanto ne estas progresinta, kaj eble eĉ malprogresinta, en la hinda kontinento [6].

malprogreso

Perdo de atingita nivelo de disvolviĝo, kadukiĝo, degenero, malkresko, dekadenco: nun en la simfonia ĝenro ni observas gravan malprogreson nur iomete diluitan per eksperimentoj de I. Stravinskij kaj S. Prokofjev [7].