tradukoj: be bg br cs de en es fr nl pl ru sk sw tp vo zh

^*bon/a [1]

^*bona

1.

Posedanta la karakterizajn ecojn de sia speco; konforma al sia celo, destino, al la regulo, al la devo; taŭga laŭregula: li estas bona parolanto [2]; bona ŝtofo, instruisto, aparato; bona konduto; bona stilo.

2.

(io) Feliĉa, favora, profitiga: bonan matenon [3]! bonan tagon! bonan vojaĝon! en bona horo[4]; bona novaĵo, ideo; bona afero; plej bona estos se vi ĝin forgesos^Z.

3.

Humana, kompatema, helpema: mia onklino estas bona virino [5]; bonaj sentoj, bona koro.

4.

Afabla: estu tiel bona kaj proksimiĝu; havi la bonecon...^Z.

^*bone

1.

En bona maniero: la tranĉilo tranĉas bone [6]; bone labori; bone al ni estas, ke vi alvenis^Z; bone fari al iu^Z; bone (sufiĉe, plene, tre) scii^Z; kiu bone (komforte) sidas, tiu lokon ne ŝanĝu[7]; plibone (prefere) fleksiĝi ol rompiĝi[8].

2.

Konsentite, mi aprobas: nu bone, iru^Z; nu, bone, mi sekvos vian konsilon. ja, jes

bono, bonaĵo

Io bona: ne repagu bonon (bonfaron) per malbono; la homoj senĉese celadas al sia bono^Z (utilo, feliĉo); tio estas tre grava por la bono (sukceso) de nia afero^Z; bono posedata ne estas ŝatata[9]; plibono estas malamiko de bono [10]; en ĉiu malbono estas iom da bono [11] avantaĝo, preferindaĵo, profito

bonulo

1.

Virtulo: la bonuloj kaj la malbonuloj.

2.

Bonkora kaj simplanima homo.

^*malbona

1.

Ne taŭga por sia funkcio, celo, ne konforma al la atendoj: el ŝiaj multaj infanoj unuj estas bonaj kaj aliaj estas malbonaj [12].

2.

Malfavora, ĉagrena, ĝena: en malbona vetero oni povas facile malvarmumi [13].

3.

Malbonaga, malica, kaŭzanta mison aŭ suferon: malbonaj infanoj amas turmenti bestojn [14].

^*malbonigi

Fari ion malbona, difekti ion: mi malbonigis mian tutan laboron [15]; akcidento malbonigis la veturilon; alkoholo malbonigas la sanon.

plejboneco

Plej alta kvalito, plej bona stato, kiun io povas atingi: la verkisto, kiu ... influos la evoluon de la lingvo en la direkto de ĝia plejboneco ... ankoraŭ ne vere montriĝis [16]. perfekta

plibonigi

Meti en pli bonan staton, forigante difektojn: plibonigi aparaton, metodon amendi, korekti, reformi

rebonigi

Meti denove en bonan staton, ripari: rebonigi difektitan maŝinon, eraron^Z.

bonveni

Esti akceptata kun kora kontenteco: ĝi estas al li tre bonvena [17]; estu bonvenintaj en mia domo! bonvenon!

bonvenigi

Saluti iun, certigante al li, ke li estas akceptata kun kora kontenteco: viro, kiu longtempe forestis kaj revenas sekure – tiun la parencoj, amikoj kaj bondezirantoj bonvenigas hejmen [18]. saluti

bonvoli

Afable voli, favore voli: bonvolu akcepti tiun donacon.

malbonavida^Z

Malbonfarema, malica.

  Mi dubas, ĉu ~veni havas sencon, kvankam ekzistas
  ĝiaj derivaĵoj ~vena kaj ~venon.
  Sama dubo pri ~trovi.
  [MB]