tradukoj: be cs de en es fr hu nl pt ru

^*puŝ/i [1]

^*puŝi

1.

Per abrupta premo aŭ duonfrapo movi aŭ provi movi ion for de si: puŝi iun per kubuto, genuo, ŝtonon per piedo; li puŝis min eksteren; ŝaŭmo puŝata de la vento fluas sur la bordo^B; enpuŝi al iu la tranĉilon en la korpon^Z. bati¹, frapi¹, peli, ŝovi

2.

(figure) Peni meti iun en ian staton: li puŝas Egipton al la milito^B; vi min elpelus el la regno kaj vi puŝus min al la mizero^Z; li al generaleco sin puŝas^Z; tiuj malbonaj kondiĉoj puŝas ilin sur la vojon al striko; (figure) reciproka malkonfido puŝas ilin al kontraŭstaro^B; ia nevenkebla deziro puŝadis lin antaŭen; malplena sako puŝas al peko [2]; puŝata de la deziro vidi^B; puŝata de la entuziasmo^B; ŝia forta pedagogia talento puŝis ŝin al la instruista profesio; pro la persisto de la intergentaj malamoj la homaro estus fatale puŝata al novaj katastrofoj. instigi
Rim.: Puŝi distingiĝas de peli ĉar ĝi entenas ideon de senpera kontakto, kaj tiun de pli kruda forto.

puŝo

1.

Ekpremo aŭ ekfrapo, kiu delokigas: per unu puŝo de ponardo^Z; ricevi puŝojn de sia patro; (figure) tiam nia afero ricevis potencan puŝon antaŭen^Z.

2.

Ekatako de sento: furioza puŝo de pasio atakas nun subite la pastrinon^Z.

3.

Malamika atako: malgraŭ ĉiuj ventoj kaj puŝoj Esperanto vivis kaj kreskis regule^Z.

puŝiĝi

Esti puŝata; ricevi puŝojn: puŝiĝi per la kapo al la muro; ili puŝiĝas je tiom da malhelpoj ... ke ili perdas ĉian paciencon [3]; vi iros sendanĝere vian vojon kaj via piedo ne puŝiĝos^Z; ĉies libero limiĝas tie, kie ĝi puŝas kontraŭ la libero de aliaj; falpuŝiĝi je ŝtono^Z; (figure) la entrepreno puŝiĝis je malhelpoj^Z; (figure) longe kunpuŝiĝis kun la indiferenteco de la publiko^Z. albatiĝi, kolizii, sinpelado

antaŭenpuŝi

(figure) antaŭenigi tio estas la sola ebleco antaŭenpuŝi la aferon [4].

kunpuŝiĝi

Puŝiĝi unu kontraŭ alia: ambaŭ aliras samtempe kaj kunpuŝiĝas per la fruntoj [5].

depuŝi

Faligi puŝante: depuŝinte la kapuĉon de l' oreloj, li aŭskultis^B; eĉ se ili suprenirus en la ĉielon, mi de tie depuŝos ilin^Z; (figure) nia lingvo ne bezonas jam timi, ke io pereige depuŝus ĝin de tiu natura rekta vojo, laŭ kiu ĝi evoluas^Z.

dispuŝi

Disigi puŝante.

elpuŝi, forpuŝi

1.

Forigi puŝante: elpuŝi iun de lia loko; forpuŝi almozulon el la korto; (figure) de l' fremdulo forpuŝas min la timo^Z; (figure) vi estos elpuŝita el via heredaĵo^Z; (figure) Esperanto neniom celas elpuŝi la naciajn lingvojn^Z. forpeli

2.

Malkonsenti, malakcepti, rifuzi: forpuŝi peton^Z, admonon^Z, instruon^Z. forbalai, forigi, forĵeti

repuŝi

En kontraŭan direkton puŝi: repuŝi atakon, malamikojn^Z; repuŝi iun kun malestimo; repuŝi (refuti) argumenton.

trapuŝi

Traigi puŝante: kiamaniere mi povos trapuŝi min tra la mustruo?^Z li trapuŝiĝis tra la amasoj da pasantoj; sin trapuŝadi^Z (sin entrudi).