tradukoj: be de en fr hu nl pt ru

^*rekompenc/i

^*rekompenci

1.

(iu) Doni aŭ fari al iu ion bonan por montri al li sian kontentecon pro ricevita servo aŭ bonfaro:

a)

rekompenci iun pro/por io; la patro rekompencis la filon por la diligenta lernado [1]; la Eternulo rekompencas min laŭ mia justeco [2].

b)

rekompenci ion al iu; tia persisteco estas rekompencata [3]; la cezaro rekompencis al vi la zorgemon, kiun vi montris al li en lia juneco [4]; nun vi devas rekompenci mian helpon [5].

c)

(antifraze) Tycho Brahe, kiu levis ĝis la steloj la nomon de Danujo kaj kiun oni pro tio rekompencis per afliktoj kaj ĉagreno [6]; vian konduton Mi rekompencos sur vi (vi repagos vian miskonduton), kaj viaj abomenindaĵoj estos meze de vi [7].

kompensi, kroni, laŭroj, premii

2.

(io) Esti rekompenco al: pekulojn persekutas malbono, sed virtulojn rekompencas bono [8].

3.

(arkaismo) Kompensi al: Mi rekompencos vin pro tiuj jaroj, kiam ĉion formanĝis la akridoj [9].

rekompenco

Tio, per kio oni rekompencas: ili havas bonan rekompencon por sia laborado [10]; Dio donis al mi rekompencon por tio, ke mi donis mian sklavinon al mia edzo [11]; (antifraze) batoj kaj puŝoj estas lia rekompenco [12]; se vi sukcesos [forigi la monton], vi rekompence ricevos mian filinon [13]; estus efektive tro mizere, se tiuj personoj saltus senrekompence [14].

rekompence pro

Kiel rekompenco pro, pro: rekompence pro la laboro, kiun [Nebukadnecar] faris, Mi donis al li la landon Egiptan [15].