tradukoj: be bg ca cs de en es fr hu nl pt ru sv

^*rid/i

^*ridi

1.

Montri subitan gajecon per karakteriza streĉo de la buŝo kaj esprimo de la vizaĝo, ofte akompanataj de ĝoja voĉbruo: mi ridas je lia naiveco [1]; mi ridas pro lia naiveco [2]; (malofte) mi ridas lian naivecon [3]; plej bone ridas, kiu laste ridas [4].

2.

(figure) Montri agrablan, bonstatan, feliĉan aspekton: ridanta pejzaĝo; bone tiu sidas, al kiu la sorto ridas [5].

rido

Voĉa, senparola esprimo de subita gajo: eksonis en la ĉambro sonora infana rido [6]. eksplodi per rido ^Z.

ridaĉi

Malice, triviale, malkonvene ridi: iu ... ridaĉis responde [7].

ridaĉo

Malĝentila, malagrabla rido.

ridegi

Brue ridi: la knabo denove ridas, ridegas senbride [8].

ridego

Tre laŭta rida voĉado: en la salono eksonis laŭta ridego [9].

rideti

1.

Senbrue montri sian afablecon kaj favoron per delikata streĉo de la buŝo kaj bonvola esprimo de la okuloj: ŝi ... ridetis kontente. [10].

2.

(figure) Agrable, favore aspekti: la bela naturo ridetas al la vizitanto; ridetis al ni la aŭroro, la mateno; arĝente ridetas la luno; la sorto ridetas al li.

^*rideto

Afabla buŝa kaj vizaĝa esprimo de bonvolo: sur lia vizaĝo mi vidis ĝojan rideton [11].

ridiga

Kiu kaŭzas ridon, subite gajigas: lia ... slango faris la ŝercojn duoble ridigaj [12].

ridigi

Vole aŭ nevole kaŭzi ies ridon: lia malgaja vizaĝo ridigis lian amikon [13]. amuzi, gajigi

ridinda

Tiom mokinda, ke ĝi ridigas: de majstra ĝis ridinda estas nur unu paŝo^Z; la ridinda, fireligieca spirito, kiu antaŭmilite ĉiam prezidis en esperantaj manifestacioj [14].

mokridi

Moke priridi iun aŭ ion: kaj ili mokridis lin [15].

subridi

Kaŝe ridi, subpremi sian ridon: Ilu-ittia subridis [16].

satridi

Ridi ĝis la stato en kiu oni ne plu deziras rid: satridis la loĝantaro, sed poste ili bedaŭris sinjoron paroĥestron kaj nur tio mirigis ilin, kiel povis kuraĝigi bovido ataki sinjoron paroĥestron [17]; vi satridos, ‐ flustris la du junuloj, transpasante la ĉambron kaj sin lokante netrudeme malantaŭ la dorson de la profesoro [18].