tradukoj: en fr he hu nl pl ru

⁸Siri/o [1]

Sirio

1.

Moderna regno situanta en Okcidenta Azio kaj limanta okcidente Mediteraneon kaj Libanon, norde Turkujon, oriente Irakon, sude Jordanion, sud-okcidente Israelon. Damasko estas la regurbo kaj plej granda urbo.

2.

Historia lando (aŭ provinco) samteritoria, el kiu estiĝis la moderna Sirio¹: tiel same ili estis liverataj per iliaj manoj al ĉiuj reĝoj de la ĥetidoj kaj al la reĝoj de Sirio [2]; ni veturis al Sirio, kaj elŝipiĝis en Tiro [3].

siria

Rilata al Sirio, ĝiaj etnoj, historio aŭ lando: kaj la popolo Siria estos forkondukita en Kiron, diras la Eternulo [4]; la Siria dialekto de la araba lingvo; la siria lingvo.

siria lingvo

Dialekto de la aramea lingvo, kiu iam estis la ĉefa lingvo de Sirio kaj restas la liturgia lingvo de la siriaj kristanoj: volu paroli al viaj sklavoj en la lingvo siria, ĉar ni komprenas [5]; Peŝito disponigas fruan tradukon de la evangelio en la sirian lingvon, proksiman al la hejmlingvo de la rolantoj.

siriano

1.

Ŝtatano de Sirio¹.

2.

Persono apartenanta al siria etno, sendepende je la loĝloko aŭ civitaneco: vaganta siriano estis mia patro, kaj li foriris en Egiptujon kaj enloĝiĝis tie fremdule [6]; en nia popolo troviĝas multaj eksterlanduloj (t.e. alietnanoj): nigraj etiopianoj, flavaj sirianoj kaj fenicianoj, blankaj grekoj kaj libianoj [7].