tradukoj: be bg de en es fa fr hu nl pl ru

¹sport/o

sporto

Korpaj ekzercoj aŭ ludoj celantaj disvolvon de fizika lerteco kaj samtempe amuzon aŭ vetbatalon: golfludo estas pli-malpli universala sporto, kiun influas nek vetero, nek latitudo [1].

sporti

Plenumi sportajn ekzercojn, partopreni en vetludoj: kompreneble, vi ne sportas, vi ne estas sportema, vi faras nenion [2].

sportejo

Loko uzata, plejofte aranĝita por sportado: flosanta ĉelaro, ekipita per i.a. kapelo kaj sportejo, kaj kiu „gastigos“ 500 kondamnitojn [3].

sportisto

Profesia aŭ kutima praktikanto de iu sporto: fortaj penegoj ... faras la sukcesplenan sportiston, mariston aŭ soldaton [4].

sportumi

sporti kial Pamela ... ne elektis, ni diru, plaĉe frizi al si la hararon, aŭ iomete sportumi, maldikiĝi ĉe la talio, aŭ io simila [5]?

sportludo

Ludforma konkuro en kiu la partoprenantoj strebas per konvencia ludilo (plej ofte, pilko) trafi konvencian celon (ekz-e golejon): el la sportludoj, plej popularaj en Ruslando estas la pilkoludoj, precipe la piedpilko.