tradukoj: be de el en es fa fr hu nl pt ru

^*veget/i

^*vegeti

1.

Plenumi la funkciojn, el kiuj konsistas la vivo de vegetaĵo: ĉio, kio vegetas en la naturo; la normala vegetado de la arboj.

2.

(figure) (pri homo) Vivi senemocian, inertan vivon, kiel vegetaĵo: en Parizo oni vivas, en provinco oni vegetas.

vegetaĵo^Z

Vivaĵo (organismo), havanta la funkciojn de sinnutrado kaj reproduktado; malkiel la animaloj, pliparto da vegetaĵoj ne povas sin transporti, sed kapablas sintezi organikajn substancojn: ĉambra vegetaĵo (kiun oni tenas en ĉambro kiel ornamon); kultura vegetaĵo (greno ktp); sovaĝa vegetaĵo; ĉar simile al herbo ili rapide dehakiĝas, kaj kiel verda vegetaĵo ili forvelkas [1]; PIV informas, ke nomenklaturo estas terminaro de iu scienco aŭ arto, en zoologio kaj botaniko speciale la nomaro de animaloj kaj vegetaĵoj [2]. ni parolu pri la vegetaĵoj ― ĉu vi vidis viton? [3]; por vegetaĵo aŭ ŝtono, esti natura ne estas malfacile [4]; (figure) vi estas vegetaĵoj, kies trunketoj, edukitaj en oranĝerioj, ne havas la forton, por kontraŭstari al ventoj kaj fulmotondroj! [5]. kreskaĵo ², planto ²

vegetaĵa

Rilata al vegetaĵoj: la vegetaĵa regno; (figure) eĉ la pereo en la batalo estas pli agrabla ol tiu velka, dormema kaj vegeta vivo en peza enfermita aero.

vegetaĵaro

Tuto de la vegetaĵoj de la mondo aŭ regiono: la parko troviĝas je 12 km for de Ushuaia kaj havas vegetaĵaron, kiu integras la sektoron pli sudan ol la magalhana distrikto [6]