tradukoj: be el en hu la nl pt ru

⁸vegetal/o

vegetalo

vegetaĵo: se ni skribas, komencante de la alta klaso, unu post alia, klasifikante la agstaton de spirito, fariĝas jena vico: Mastra Dio, ĉielulo, homo, besto, vegetalo, kaj mineralo [1]; arbo estas vegetalo en la plej evoluinta formo ... [2] li priskribis sentemon de vegetaloj en „Disertacio pri la naturo de la animaloj kaj vegetaloj“ [3]; asertas la indianoj, ke ... la estulo komencas sian vivon unue kiel mineralo, poste vegetalo, animalo kaj fine kiel homo [4]; li meditis: kial la vegetaloj scias, kiam necesas flori, doni fruktojn kaj perdi la foliojn? [5].

vegetalaro

Tuto da vegetaloj en iu loko, tereno, regiono: la hotelo havas ĝardenon kun tropika vegetalaro; misteraj akvovejnoj kiuj kuniĝas, donate formon al rivereto kiu serpentumas tra la vegetalaro [6]; la duno estas ankaŭ loĝata de aparta kaj fragila vegetalaro : duna levkojo (giroflée des dunes), mara brasiko (chou maritime), blua karduo (chardon bleu) [7]; por protekti vegetalaron, oni alprenis metodon de laŭparta konstruado kaj vegetalara transplantado en ĉi tiu linio kaj minimumigos la perdon de vegetalaro sur surfaco de la tero [8]. flaŭro, vegetaĵaro

vegetala regno

Tiu el la pluraj regnoj de la naturo, kiu entenas la vegetalojn: la animala, vegetala kaj minerala regnoj [9].