tradukoj: be de el en es fr hu it nl pt ru

^*venk/i [1]

^*venki

1.

Superi malamikon en batalo, milito: mi venkis ĉiujn kvin atakantojn [2]; nia lando venkos [3]; venkobati armeon^Z; venkopreni urbon^Z.

2.

Superi konkuranton: la laŭreato facile venkis ĉiujn poetojn en la konkurso^B.

3.

(figure) Transpasi malhelpaĵon, baron: sukcesa venkanto de pordoj malfermitaj [4]; li neniam venkis la alfabeton [5]; venki ĉiujn barojn^Z; venki malfacilaĵon^Z; venki sian timon, konsternon, multajn antaŭjuĝojn; la scivolemo venkis la singardon; la partiaj pasioj venkis super la prudento; lia insisto venkis mian ŝanceliĝon; la vero ĉiam venkas [6]; la venkitoj de la vivo; se min ne malhelpos nevenkeblaj cirkonstancoj, mi penos veni^Z; ni povos supervenki la krizon. superponti, triumfi.

venko

Sukceso en batalo aŭ konkurso: atingi, gajni la venkon.

malvenki

Malprosperi en batalo aŭ konkurso, atingi malpli ol aliaj: Venecio malvenkis en milito kontraŭ Ĝenovo [7].

malvenko

Milita, batala aŭ konkursa malsukceso: suferi malvenkon; katastrofaj malvenkoj en du mondmilitoj [8].

egalvenko [9]

Sportludo kiu finiĝis egale (mal)sukcese por ambaŭ partioj: proponi, akcepti, malakcepti egalvenkon; male al la okcidenta ŝako, se vi patigas vian kontraŭulon, vi venkas kaj ne estas egalvenko [10].

fina venko

Funkciado de Esperanto kiel monda helpolingvo, kiel tradicie celas esperantismo: la Fina Venko ... estas la ideo, ke iam ĉiuj homoj (aŭ signifa parto de ili) en la tuta mondo parolos Esperanton kiel duan lingvo [11].