tradukoj: bg de en es fr hu it nl pl pt ru sv

^*ĉast/a

^*ĉasta

1.

Pura, senpeka pri seksaj aferoj: mi estas ĉasta knabino, ne virino malpura [1]; ĉasta konduto.

2.

Ne ekscitanta voluptajn dezirojn: ĉasta romano. deca, virga, virta

ĉasteco

Virto, sinteno de iu evitanta seksan diboĉon aŭ agadon: ni promesis al ni reciproke fidelecon en ĉasteco kaj honesteco [2]. pudoro

malĉasta

Voluptama, diboĉa aŭ malpudora pri seksaj aferoj: virinon malĉastan aŭ senhonorigitan ili ne prenu [3]; iliaj blasfemaj kaj malĉastaj paroloj en la gastejo [4].

malĉastaĵo

Malĉasta ago, kontraŭmora seksumado: de interne, el la koro de homoj, eliras malvirtaj pensoj, malĉastaĵoj [5].

malĉasteco

Vivado, sinteno sekse diboĉa: la piecon anstataŭis la lukso, la saĝon la malĉasteco [6].

malĉastejo

bordelo ili adultas kaj iras amase en malĉastejojn [7].

malĉasti

Sekse diboĉi, malĉaste konduti.

malĉastisto

Viro, kiu vivtenas sin amorante kontraŭ pago: ne devas esti malĉastisto inter la filoj de Izrael [8].

malĉastistino

Virino, kiu vivtenas sin amorante kontraŭ pago: la impostistoj kaj malĉastistinoj iras antaŭ vi en la regnon de Dio [9].