¹elips/o

elipso

1.: Forigo de unu aŭ kelkaj vortoj, kiujn oni ne juĝas nepre necesaj por la kompreno: en la frazo „mi vidis lin, sed ne vin“ oni faras elipson de la verbo en la dua propozicio.
2.: [1] Koniko kun discentreco malpli granda ol unu: elipso havas du fokusojn kaj la sumo de la distancoj de ĉiu punkto de la elipso al ĝiaj fokusoj estas konstanta; la (sunsistemaj) planedoj laŭiras elipsojn, kies unu el la fokusoj okupas la suno (unua keplera leĝo); la kartezia ekvacio de elipso estas de la tipo (x/a)²+(y/b)² = 1. Atributoj de elipso: centro, aksoj (fokusa kaj nefokusa), granda duonakso, malgranda duonakso; ovalo, orbito.