konik/o

koniko

[1]

: Kurbo, intersekco de ebeno kaj cirkla konuso: se la intersekco estas kunaĵo de du rektoj, oni kvalifikas la konikon nepropra; la rilato inter la distanco de punkto de la koniko al iu punkto (ĝia fokuso) kaj la distanco de tiu punkto al iu rekto (ĝia direktanto) egalas al konstanta valoro (ĝia discentreco); polusa ekvacio de koniko kun poluso ĉe la origino de koordinatoj estas de la tipo ρ = p/(1+q.cosθ), kie q signas la discentrecon; la kartezia ekvacio de koniko estas de la tipo ax²+by²+cxy+dx+ey+f = 0, t.e. duagrada algebra ekvacio kun du variabloj. Diversaj specoj de koniko: elipso, cirklo, hiperbolo, parabolo; Karakterizaj elementoj: direktanto, discentreco, fokuso, parametro.