tradukoj: be de en fr hu nl pl pt ru

⁹grafik/o ^Z[1]

grafiko

1.

Arto prezenti objektojn per desegnaj linioj.

2.

(arkaismo) grafismo la alfabeto de Esperanto plej bone konservas la grafikon kaj la fonetikon de l' internaciaj vortoj [2].

grafikaĵo

1.

Scienca desegno, servanta por la tekniko kaj prezentanta fenomenojn aŭ iliajn abstraktajn rilatojn per geometriaj figuroj: skaloj, kurblinioj kaj ceteraj: grafikaĵo pri varioj de temperaturo, trafiko... diagramo, skemo

2.

[3] (de bildigo f) Aro, konsistanta el la paroj (x,f(x)) por ĉiu x en la fonto-aro de f. grafo;grafika prezento.
Rim. 1: Laŭ la donita difino de bildigo ne ekzistas esenca diferenco inter funkcio kaj ĝia grafikaĵo. Oni tamen konservas ambaŭ esprimojn pro la malsamaj intuiciaj kampoj, al kiuj ili referencas: „funkcio“ parolas pri la maniero asocii du elementojn kaj „grafikaĵo“ referencas al eventuala kurbo, figuranta la funkcion.
Rim. 2: La senco de la arteoria koncepto „grafikaĵo“ estas pli profunda ol la ĉi-supra klarigo lerneja; grafikaĵo servas por prezenti funkcion aŭ rilaton kiel unu pretan, tutan objekton (tio gravas ekz-e en kontrastigo de „aktuale malfinia“ sinuso kontraste al „potenciale malfinia“, laŭbezone komputebla sinuso). Pli matematikece oni devus paroli pri grafikaĵo de rilato, kio estas pli ĝenerala koncepto; ekz-e ankaŭ la ekvacio x²+y²=1 estas prezentebla arteorie per karteziaj duopoj, kvankam ĝi ne difinas funkcion. [Sergio Pokrovskij]

grafika^Z

Koncernanta la prezentadon de objektoj per desegnaj linioj: la grafikaj artoj estas skribo, desegno, gravuro...