tradukoj: bg ca cs de en es fr hu nl pl pt ru

^*prezent/i

^*prezenti

1.

Meti ion antaŭ iu, por ke li ĝin prenu, vidu aŭ juĝu: prezenti tason al invitito, ŝtofojn al aĉetonto; prezenti proponon al voĉdonado, por esplorado; ĉe la Bulonja Kongreso estis prezentita projekto de ĝenerala organizaĵo por la tuta esperantistaro [1]; prezenti (direkti) peton al iu; prezenti (proponi) ion al la publika kritiko; (figure) vasta panoramo prezentiĝis al ili; la afero prezentiĝas bone, malbone; praktike prezentiĝas la afero tute alimaniere. antaŭmeti;proponi, doni, liveri.

2.

Konduki iun antaŭ aliajn personojn, precipe superuloj:

a)

Montri, nomi, rekomendi por konatigi: prezenti iun al la mastro; permesu, ke mi prezentu al vi mian amikon N.^B; mi havas la honoron min prezenti: poŝtestro Ŝpekin [2]; la flikilo ekparolis al ĝi kaj prezentis sin al ĝi kiel brusta pinglo [3]. vesto homon prezentas [4].

b)

Submeti iun al konsidero de koncerna estro aŭ instanco: la princo nomis lin centestro kaj ordonis, ke en la sekvonta tago li prezentu siajn subulojn por rekompenco [5]; sin prezenti, prezentiĝi antaŭ iu, antaŭ ies okuloj; sin vole prezenti por arestiĝo; prezentiĝi al inspektoro, prezentiĝi al ekzameno.

3.

Starigi antaŭ ies imago la bildon de iu aŭ io: prezentu al vi mian embarason; vi, kiun malsame ni prezentas, sed same ni sentas^Z; ni prezentu al ni efektive, ke^Z; la registaro prezentas la batalon kontraŭ si kiel batalon kontraŭ la ŝtaton; la projektistoj prezentas al si la aferon tre facila^Z (konsideras kiel tre facilan). imagi.

4.

Meti antaŭ ies okuloj imitaĵon de io, faritan per parolo, pentrado aŭ alia arto: la bildo prezentas virinon^Z; la pentraĵo prezentas la kongreson^Z, pejzaĝon^Z; la danco prezentis marŝon^B; la aktoro, kiu prezentis Hamleton; la dekoracio prezentas placon; prezenti (ludi sur teatro) dramon. reprodukti.

5.

Montri specialan aspekton de si mem; liveri okazon al io; estigi: la kongreso prezentis grandiozan spektaklon; la afero prezentas grandan intereson, belan aspekton, malfacilaĵojn^Z, profitojn; tiu propono prezentas bonan okazon por diskuti pri la afero; la filoj de Jozef prezentis la nombron de 40 miloj^Z; tiu metodo prezentas du grandajn avantaĝojn. naski, kaŭzi, liveri, rezultigi.

6.

Montri la formon karakterizan de io; formi, konsistigi: ĉi tiu vortaro prezentas la duan parton de mia „Plena Vortaro“^Z; tiu simpligo prezentas la plej malfacilan parton de la laboro^Z; lingvo internacia, kiu prezentus egalrajtan propraĵon de la tuta mondo^Z; ŝia konduto prezentis nur vicon de nekonsekvencaj agoj^B; la brutaroj prezentas la ĉefan riĉecon de la lando; nenio pli grandan mizeron prezentas, ol se sano mankas, kaj ŝuldoj turmentas^Z; ĉiuj tiuj provoj prezentis per si sistemon da signoj por interkomunikiĝo^Z; por ke la religio ne prezentu muron inter du homoj, estas necese, ke ili ambaŭ estu toleremaj^Z; tiam la tuta homaro prezentos nur unu genton^Z.

7.

Fari el informo trakteblan datumon: prezenti la valorojn inter 0 kaj 255 per bitokoj; en Esperanto ĉiu litero prezentas unusolan sonon.

prezento

Ago prezenti (prezentado) aŭ ties rezulto (prezentaĵo): f(u,v) estu parametra prezento de derivebla kurbo.

prezentado

Ago prezenti.

misprezenti

Malĝuste, false prezenti: aŭ pro nescio aŭ pro pasio li misprezentis la decidojn de la Akademio^PIV; vortaroj misprezentas tiujn homonimojn samradikaj vortoj

reprezenti

Denove, ree prezenti: ne reprezentu vin de nun antaŭ mi; reprezenti malakceptitan proponon; ili ankoraŭ trifoje reprezentis tiun teatraĵon.

grafika prezento

(de reela funkcio f) Tia ebena kurbo, ke la paro de karteziaj koordinatoj (x,y) de ĉiu punkto de ĝi apartenas al la grafikaĵo de f kaj inverse: la grafika prezento de funkcio x² estas parabolo.
Rim.: Ne ekzistas esenca diferenco inter ĉi tiu nocio kaj „grafikaĵo“.

n-uma prezento

a)

(de entjero laŭ bazo ^4.a n) Skribaĵo de la tipo c_p...c₁c₀, konsistanta el ciferoj c_i inter 0 kaj n-1, kaj prezentanta la nombron c_pn^p +... + c₂n² + c₁n + c₀: la dekuma prezento de la nombro cent estas 100, kaj ĝia okuma prezento estas 144.

b)

(de reelo laŭ bazo ^4.a n) Skribaĵo de la tipo c_p...c₁c₀,c_-1c_-2...c_-k..., aŭ c_p...c₁c₀.c_-1c_-2...c_-k..., konsistanta el ciferoj c_i inter 0 kaj n-1, kaj prezentanta la nombron c_pn^p +... + c₂n² + c₁n + c₀ + c_-1/n + c_-2/n² + ... + c_k/n^k...: la triuma prezento de ⅓ estas 0,1, sed ĝia dekuma prezento estas senfina 0,3333...; la duuma prezento de π estas 11,0010010000111111011010101000... pozicia frakcio.

Rim.: La rangon de cifero c_i aŭ c_-i oni kutime referencas pere de la nombro nⁱ aŭ 1/nⁱ, kiun ĝi multiplikas. Ekz-e en la dekuma prezento oni havas la sekvan sistemon: cifero de la milonoj (c_-3), centonoj (c_-2), dekonoj (c_-1), unuoj (c₀), dekoj (c₁), centoj (c₂), miloj (c₃)...

    Ĉu la nl-traduko plu ĝustas post dispartigo de "reprezent"?
    [Sergio]