tradukoj: be br de en fr hu nl pl ru sv

^*kurb/a

^*kurba

Kvalifikas linion aŭ objekton, kiu estas nek rekta, nek konsistanta el rektaj partoj: kurba bastono; kurba branĉo; la supraĵo de la tero estas kurba; kurbeco de arko, de sfero, de volbo. ronda, ovala, arkforma, serpenta.

kurbo

1.

[1] Linio, precipe kiam ne temas pri rekto: ebena kurbo (inkluzivata de ebeno); neebena kurbo; polusa, kartezia ekvacio de kurbo; algebra, transcenda kurbo (kies kartezia ekvacio estas algebra, transcenda); n-a-grada ebena kurbo (kies kartezia ekvacio esprimiĝas per n-a-grada polinoma funkcio de la koordinatoj). geometria figuro; Specifaj ebenaj kurboj: arĥimeda spiralo, cikloido, cirklo, cisoido, elipso, epicikloido, epitroĥoido, gaŭsa kurbo, hiperbola spiralo, hiperbolo, hipocikloido, hipotroĥoido, kardioido, kartezia folio, kartezia ovalo, kateno, koniko, lemniskato, rompita linio, logaritma spiralo, parabolo, paskala limako, strofoido, traktorio, troĥoido; Specifa neebena kurbo: helico; Karakterizaĵoj de ebena kurbo: kurbeco, kurbecocentro, kurbecocirklo, kurbecoradiuso; Derivitaj kurboj: elvolvanto, elvolvato, envolvaĵo, konĥoido, podajro.
Rim.: Kurbojn oni studas ĉefe surbaze de la analitikaj ecoj de iliaj ekvacioj aŭ de iliaj parametraj prezentoj.

2.

Grafikaĵo, uzata por prezenti la evoluon de iu fenomeno: kloŝforma kurbo; kurbo de elspezoj de entrepreno laŭ la jaroj.

kurbeco

1.

Eco de io kurba: la kurbeco de la tero (la fakto, ke ĝi ne estas ebena).

2.

[2] (de ebena kurbo, ĉe punkto a de ĝi) La inverso de ĝia kurbecoradiuso: la kurbeco de rekto estas nula.

kurbigi

Fari ion momente aŭ definitive kurba: la vento kurbigas la kanojn; kurbigi balenaĵon, branĉon, ŝtallamenon; kurbigi per fajro ferstangon; la aĝo kurbigas homon; la arboj kurbiĝis sub la fruktoj; kurbiĝi antaŭ iu (riverenci, kliniĝi); ne kurbiĝi sub la jugo de despotismo; kurbiĝadi (skuiĝi, barakti) kiel diablo en akvo benita [3]. fleksi.

kurbiĝo

Kurba parto de io: kurbiĝo de vojo, de rivero; la vojeto grimpis per multaj kurbiĝoj ĝis la supro de la monto. turniĝo, ondolinio.

gaŭsa kurbo, kloŝforma kurbo[4]

Ebena kurbo kloŝforma: la kartezia ekvacio de kurbo estas de la tipo y = (2π)^-½exp(-x²/2).

gaŭsa kurbo