tradukoj: be ca de en es fr hu it lat nl pl pt ru

^*ĝem/i

^*ĝemi

1.

Esprimi malfeliĉan senton per plendaj, neparolaj voĉsonoj: suprenrigardinte al la ĉielo, li ĝemis [1]; la vundito mallaŭte ĝemis.

2.

(figure) Aŭdigi plendan delikatan bruon, similan al ĝemo: la rivereto ĝemas sur la ŝtonoj; la turtoj ĝemas en la arboj; ĝemblovo de la vento. murmuri ¹

ĝemo

Neparola voĉsono esprimanta malfeliĉon, doloron: li forlasos min – ripetis Sara kun ĝemo [2]; aŭdiĝis en la nokto korŝirantaj ĝemoj; (figure) ĝemo de la melankolia pluvo tra la folioj.

ĝemistino

ploristino Amaranta ... aŭskultis la ploradon de Úrsula, la paŝojn kaj flustrojn de la homamaso invadinta la domon, la ŝrikojn de la ĝemistinoj [3].

ekĝemi

1.

Mallonge ĝemi: tamen ŝi ne ekploris, ne ekkriis, eĉ ne ekĝemis [4].

2.

suspiri li apogis la kapon al la kadro de la fenestro kaj profunde ekĝemis [5].

dolorĝemi

Ĝemi pro korpa doloro: la malsana patro dolorĝemas en la lito [6].

plorĝemi

Plori aŭdigante spasman bruon de gorĝo, pro grava doloro fizika aŭ morala: konsternitaj estas la plugistoj, plorĝemas la vinberkultivistoj, pro la tritiko kaj hordeo, pro la pereo de la rikolto [7]. plorĝemi ĉe la tombo de la filo.

sopirĝemi

suspiri Ha! sopirĝemis sinjorino Szwejc, ― oni ne devas havi tro multe da konfido al si mem [8].