tradukoj: be de en fr hu nl pt ru

^*murmur/i

^*murmuri

1.

(abs.) Brui malforte, malklare, obtuze, kiel fluanta akvo sur ŝtonoj, vento tra foliaro, amaso da homoj samtempe parolantaj: la rivereto, la vento murmuras; la birdoj gaje murmuras sur arboj; akvo murmuretas en la bolkruĉo; eksonis murmuro de paŝoj^B

2.

(tr)
Paroli mallaŭte: murmuri minacojn; murmureti al ies orelo^B; post longa momento ŝi murmuris: „Vi jam estas dudek-sesjara...“ [1]. flustri

3.

(abs.)grumbli murmuri tra la dentoj [2]; ili ekmurmuris kontraŭ Moseo^Z; sur la ventro veluro, en la ventro murmuro (ekstere ŝajnas luksa sed efektive estas malprospera) [3].

murmuro

Mallaŭta sono de io aŭ iu obtuze bruanta: lia akra aŭdo perceptis venantan de sube, ... obtuzan murmuron [4].

murmuregi

Tre laŭte, obtuze aŭ konfuze brui aŭ bleki: la leono ekmurmuregis kaj foriris [5];

murmurego

Troa, obtuza bruego: la murmurego de la intermiksitaj paroloj surdigis ŝin, la mallumo sur la trotuaroj ŝin timigis [6].

murmureti

Mallaŭte, delikate brui: li sin turnis sur la kalkano, stariĝis antaŭ la spegulo, ĝustigis la kravaton kaj frizon, ekmurmuretis kanteton [7]. zumi

murmureto

Mallaŭta, neklara brueto: murmureto de admiro traflugis inter la ĉeestantoj [8].