tradukoj: be br cs de el en es fr hu ku nl pt ru tp tr vo

^*land/o [1]

^*lando

1.

Surtera difinita regiono konsiderata kiel formanta apartan tuton laŭ geografia vidpunkto: multaj birdoj flugas en la aŭtuno en pli varmajn landojn [2]; lando dezerta^Z, la eŭropaj landoj.

2.

Natura regiono: la ĉirkaŭa lando estas bela kaj riĉa.

3.

regno ¹ ĉiu regnano sciu, ke li ... devas obei ĉiam nur klarajn, tute difinitajn fundamentajn leĝojn de sia lando [3]. Pollando; nia lando venkos^Z; ministro pri enlandaj aferoj.

landano

Loĝanto de lando.

landestro

Reganto, komisiata aŭ memstara, de lando: li faris festenon ... por la potenculoj de Persujo kaj Medujo, por la landestroj kaj regionestroj [4].

landido

Homo, kiu loĝas en la lando kiel ĉiam antaŭe liaj avoj. indiĝeno
Rim.: Mi neniam vidis aŭ aŭdis tiun vorton uzata; probable ĝi estas vortarista elpensaĵo.. Kaj se iu ĝin uzus, mi atendus alian sencon: „homo naskita en la koncerna lando, filo de la lando“ ― sendepende tion, ĉu liaj prapatroj loĝis tie aŭ ne (ekz-e usonano naskita en Usono de enmigrintaj gepatroj). [Sergio Pokrovskij]

alilando

eksterlando li vivis multajn jarojn en la alilando [5].

alilandulo

eksterlandano lia parolo tuj montras en li alilandulon [6].

eksterlanda

Rilata al lando: la ministroj kompetentos pri eksterlandaj aferoj, defendado, ekonomio kaj rajtoj de homoj kaj etnaj malplimultoj [7].

eksterlando

Ĉiuj landoj krom la propra: aliaj homoj prenas por si pasportojn por la eksterlando [8].

eksterlandano

Homo, kiu vivas en alia lando aŭ devenas de alia lando: homoj bonkoraj koncerne siajn familianojn kaj samnacianojn, fariĝas, dum krizaj aŭ militaj tempoj, plej kruelaj koncerne eksterlandanojn [9].

internlando

Interna parto de lando, kontraste al la marbordo.

limlando

Lando apud la limo de regno, dependa aŭ sendependa de ĝi: jen virino Kanaana, veninte el tiuj limlandoj, kriis, dirante: Ho Sinjoro, filo de David, kompatu min [10].

nenieslando

Loko sen klara havanto aŭ loĝantaro; ofte tia limzono inter regnoj: sude de chi tie komenciĝas nenieslando. Certa frontlinio tute ne ekzistas [11]; tiuj homoj estis fisenditaj en nenieslandon el kiu ili eble neniam eliros [12].

Novlando

Insulo en la norda Atlantika Maro, parto de la kanada provinco Novlando kaj Labradoro; Novtero: NovLando ... grandas je pli ol cent mil kvadrataj kilometroj [13].

samlandano

Loĝanto de la sama lando kiel aliaj koncernatoj: tiajn samajn suferojn vi ankaŭ spertis ĉe viaj samlandanoj [14].

sojlolando

Origine malriĉa lando kies industrio, ekonomio, financo rapide kreskas, kvazaŭ atingante sojlon de la prospero: la financa politiko kaj la konsuma kutimo de Usono kaj aliaj okcidentaj landoj, sed ne la ekonomia evolumodelo de Ĉinio kaj sojlolandoj, estas ĉefaj kialoj de la internacia financa krizo [15].

Novlando kaj Labradoro

Provinco de Kanado en ĝia orienta parto, konsistanta el insula Novlando kaj ĉeftera Labradoro: 2011-10-11: voĉdonantoj en Novlando kaj Labradoro ... elektis progreseman-konservistan registaron [16].