tradukoj: be bg cs de en es fr he hu ku la nl pl ru sv tp tr vo zh

^*ter/o [1]

^*tero

1.

La planedo, sur kiu la homoj loĝas. terglobomondo

2.

Ekstera firma tavolo de ĉi tiu planedo: super la tero sin trovas aero [2]; kuŝi sur la tero; la tero kaj la maro; fosi la teron; la rajdanto desaltis teren; fali teren; ili ĵetiĝis vizaĝaltere^Z.

3.

Substanco el kiu konsistas tiu tavolo: poto el tero; argila, sabla, seka, kulturebla tero argilo, grundo

4.

Ne akvo (maro, oceano): La 6-an de junio, 1944, la koalicia armeo komencis alteriĝi en Normandio en suda parto de Francio [3].

tera

1.

Apartenanta al la planedo tero: la tera supraĵo; la tera diametro.

2.

El la substanco de la tero: tera poto. argila

alteriĝi

Alveni al la tera surfaco.

ĉeftero

Pli granda terpeco, kontinento aŭ granda insulo kontraste al pli malgranda: antaŭ ĉirkaŭ 10.000 jaroj, leviĝo de la marnivelo disigis la insulon de la aŭstralia ĉeftero [4].

eksterterano

Supozata vivulo pli-malpli homsimila, kiu ne venus de la planedo tero: eĉ se vi estus eksterterano vi rajtus kritiki la malbonaĵojn de la tero [5].

^*enterigi

1.

Meti en la teron: enterigi trezoron, markoton; kiu eltrinkos la pokalojn ... povos uzi la glavon, kiu estas enterigita antaŭ la sojlo [6].

2.

Sepulti metante la korpon de mortinto en subteran tombon: permesu al mi unue iri kaj enterigi mian patron [7].

3.

(figure) Forgesigi, vanigi, neniigi: tiu projekto estas jam tute senkreditigita kaj enterigita^Z; eble nia afero ŝajnos al la mondo eĉ mortinta kaj jam en terigita^Z.

elterigi

Eltiri el la tero: elterigado de ercoj [8].

Novtero

Novlando la amerika maranaso reproduktiĝas en malproksima nordo de Nordameriko en Labradoro kaj Novtero [9].

subteraĵo

Natura aŭ arta spaco sub la tero: ili iris malsupren en la subteraĵojn de la templo de Ptah kaj baldaŭ atingis vastan kelon [10]. kelo, tunelo

surtera

Okazanta aŭ vivanta sur la tero.

surterigo

Meti sur la teron. Necesa vojo por surterigo. [11].

terglobo

tero ¹

terkapo

terkonekto

Tiu konekto per drato inter elektra aparato kaj la tero, kiun oni faras por utiligi la tersurfacon kiel unu platon de granda kondensatoro, kies alia plato povas esti la anteno.

terkontakto

Okaza kontakto de elektra kondukilo kun la tero, kien elfluas kaj perdiĝas parto de la kurento de la cirkvito. liki

terkrusto

Solidiĝinta supera parto de la terglobo, ĉirkaŭanta la centran varmegan kernon.

terkulturo^Z

agrikulturo unuj el ili sin okupis je terkulturo, aliaj je fiŝkaptado aŭ marveturado [12].

terlaboristo^Z

Salajrulo, kiu prilaboras la teron: Kain fariĝis terlaboristo [13].

terlango^Z

Longa, mallarĝa strio de tero, kiu etendiĝas en maron, lagon aŭ riveron: kelkaj rokplatoj kuŝis kiel malgrandaj terlangoj en la neprofunda akvo [14].

termezuri^Z

Mezuri la surfacon de agro, arbaro, herbejo, dislimi ilin ktp: la malnova termezura stango [15].

termezuristo

Tiu kies profesio estas termezuri: en samajn figurojn estas ja dividataj niaj kampoj, kaj la ŝtataj termezuristoj lernas ilin en la lernejoj [16].

ternukso

Specio de arakido, kies frukto estas manĝebla, kaj liveras oleon kaj specon de butero.

terparto^Z

mondoparto

terpeco^Z

Pli-malpli granda peco de tero: ĉi tie ... ĉiu terpeco estas historia [17]; sur la sama terpeco oni konstruis belan domon [18]. parcelo

^*terpomo

Manĝebla radikotubero de la terpomujo: vi ricevos de mi sakon da terpomoj [19].

^*terpomujo

Specio de solano (Solanum tuberosum), devena de Ameriko kun manĝeblaj radikotuberoj.

terpomfloko

ĉipso

terpomfingro

frito

terskuo

Ĉiu el pli-malpli fortaj sismaj movoj en tertremo.

tertremo^Z

Grava movo de la terkrusto, ordinare okaziganta domfalojn ktp.: fariĝis granda tertremo, tiel ke la fundamentoj de la malliberejo skuiĝis [22].

terzono

Ĉiu el la kvin grandaj dividoj de la terglobo, inter la tropikoj kaj la polusoj: varmega, mezvarma, glacia terzono.

      Mi ĝeneraligis la difinon, kiu ampleksis nur "galerion
      fositan". La tradukoj eble ne plu tute ĝustas.
      [ĵv]