tradukoj: be bg br de el en es fr hu nl pl pt ru sv tr

^*naĝ/i [1]

^*naĝi

1.

Sin movi sur aŭ en ia fluaĵo:

a)

Sin peli tra akvo: ŝi naĝis malproksimen sur la maro^Z; lerni naĝi; alnaĝi al la bordo; tranaĝi riveron; nek transnaĝeble, nek transireble [2]; brustnaĝado; dorsnaĝado; flanknaĝado.

b)

Esti portata sur akvo, flosi: multaj folioj naĝas sur la lago; naĝanta trabo; nia ŝipo naĝas bonorde al sia celo^Z; ĉirkaŭe naĝis montoj da glacio^Z; malpeza ŝaŭmo naĝas sur la akvo.

c)

Sin movi en iu flueca aŭ gasa medio: aerŝipo, aeroplano naĝas en aero; ni rigardis la nubojn naĝantajn sub niaj piedoj; bando da birdoj tranaĝas alte la ĉielon; obtuzaj sonoj naĝis en la aero.

2.

(figure) Trapasi, iri pp ideoj aŭ sentoj: en liaj okuloj kvazaŭ naĝis feliĉaj rememoroj kaj antaŭsentoj ^Z; per la fadeno de rememoroj alnaĝis al ŝi la vizaĝo de la patrino^Z; jam fornaĝas liaj belaj revoj; antaŭaj kutimoj kaj sentoj fornaĝis en neatingeblan malproksimon sur trorapidema ondo de senrevena pasinteco^Z. flugi, ŝvebi

3.

(figure) Esti kvazaŭ baniĝanta en abundo de io: naĝi en sango; naĝi en riĉaĵoj^Z, en plena feliĉo, en fantaziaj revoj.

naĝejo

Loko taŭga por naĝo, precipe tia sportejo kun basenoj: tegmentitaj naĝejoj [3].

naĝilo

Membro, per kiu sin movas ekzemple fiŝoj en akvo.

ĉirkaŭnaĝi

Naĝi ĉirkaŭ: la grandaj cignoj ĉirkaŭnaĝis [la cignidon] kaj karesis ĝin per sia beko [4].

elnaĝi

Eliĝi el akvo: nur lia kapo elnaĝas; (figure) multe elnaĝis en ĝia memoro^Z.

naĝobarelo

Speco de flosanta barelo alfiksita ĉe fundo de maro aŭ rivero, kaj uzata kiel signalo por montri danĝeran lokon aŭ por alligi ŝipon buo.