tradukoj: be cs de en es fr hu nl pl pt ru tr

^*pak/i [1]

^*paki

1.

Kunaranĝi malvaste iajn objektojn, ĉu ilin ligante per ŝnuro, ĉu envolvante en paperon aŭ ŝtofon, ĉu enŝovante en sakon aŭ alian portilon, ĉu ordigante en kesto: li pakis sian havaĵon^Z; la komercaĵoj devas esti pakataj^Z; (figure) li estis pakita kun ok aliaj personoj en la interno de poŝta kaleŝo^Z; (figure) ni estis prempakitaj en la ĉambro.

2.

Plenigi per aĵoj kaj pretigi tranportilon: mi senprokraste pakis miajn kofrojn, adiaŭis Brigidon kaj reveturis [2]; Knut iris en sian loĝejon kaj pakis sian tornistron [3].

pako

Aro da pakitaj objektoj: pli kostas la sako ol la tuta pako (kandelo) [4]; mi dissigelis la paketon, kiun ili kun si tre garde portis ^Z.

pakaĵo

1.

pako Jim elprenis pakaĵon el sia surtuta poŝo kaj ĵetis ĝin sur la tablon [5]; legantoj de Monato, kiuj volas helpi forigi malsaton inter la infanoj de la mondo, povas ... aĉeti tiajn pakaĵojn kun 30 kompletaj manĝoj ... kontraŭ po 31 eŭroj [6].

2.

bagaĝo kiam mi veturas, mi neniam prenas kun mi multon da pakaĵo^Z; forportu vian pakaĵon kaj havaĵon (definitive foriru) [7].

pakaĵujo

Fermebla (kaj kutime ankaŭ ŝlosebla) parto de veturilo (precipe aŭtomobilo), destinita por transporti pakaĵojn (valizojn, sakojn ktp) aŭ aliajn objektojn kiujn oni malvolas kunpreni en la kabinon: Dirinte tre lakone: „La haŭto taŭgas por bona mansako“, la ŝoforo senhezite ĵetis la serpenton en la pakaĵujon de sia aŭto kaj forveturis [8].

pakumo^PIV1

Entenantaĵo, kovraĵo uzata por paki: kvankam pakumo estas vesto de varo kaj povas beligi ĝin, tamen por simpla varo troa pakumo ne nur pliigas la koston, sed ankaŭ kaŭzas grandan malŝparon de naturaj riĉfontoj [9]. taro

elpaki^Z, malpaki

Elmeti el pako.

enpaki^Z

Meti en pakon.