tradukoj: be bg br ca cs de en fr hu nl pt ru sv

^*pek/i [1]

^*peki

1.

Malobservi religian aŭ moralan leĝon: al homo, pekinta senintence, Dio facile pardonas [2]; pekinto pentas, kolero silentas [3]; kontraŭ peko prediku, sed pekinton pardonu[4]. krimi, kulpi

2.

(figure) Malobservi regulon de dececo, scienco, arto kc: peki kontraŭ la logiko^Z, la gramatiko, la vereco; tiuj formoj pekas kontraŭ la principo de internacieco. erari, malkorekta

peko

1.

Malobservo pri religia aŭ morala leĝo: de peko kaj mizero estas plena la tero [5]; por peko senkonscia puno nenia [6]; peke akirita ne estas profita [7]; peko malnova perdas pekecon [8].

2.

Malobservo pri ia regulo: tia uzado ne estas peko kontraŭ la reguloj de la lingvo^Z.

pekema

Kiu facile, ofte pekas: kiu estas pli pekema ol tiu, kiu kaŝas la pruvojn ricevitajn de Alaho? [9].

pekigi

Instigi iun al peko. delogi, malvirtigi.

pekulo

Homo, kiu pekadas: ĉiuj impostistoj kaj pekuloj alproksimiĝis al li, por aŭskulti lin [10]; eĉ inter piuloj ne mankas pekuloj [11].

senpeka

1.

Neniel pekinta: homo senpeka neniam ekzistis [12].

2.

(figure) Tute sendifekta, tute korekta, tute konvena, perfekta: senpeka ĝentileco, elokventeco.

senpekigi

Malŝarĝi je pekoj aŭ profaneco, reakiri ritan puron: kiu ektuŝis la kadavron de ia homo, tiu restos malpura dum sep tagoj; li senpekigos sin per ĝi en la tria tago kaj en la sepa tago, kaj li fariĝos pura [13]; kaj senpekigu la altaron, oferante sur ĝi, kaj oleu ĝin, por ĝin sanktigi [14].

pekliberigi

Nuligi pekojn, malŝarĝi je pekoj: pekliberigu Vian popolon Izrael, kiun Vi liberigis, ho Eternulo, kaj ne kalkulu sangon senkulpan inter Via popolo Izrael [15]; kaj la pastro pekliberigos lin per la prokulpa virŝafo, kaj estos pardonite al li [16] (propeka kapro).