tradukoj: be de en es fr hu nl pt ru

^*pel/i [1]

^*peli

1.

Irigi rapide antaŭen, eksciti al rapida kurado aŭ simple al foriro: peli brutojn sur herbejon^B; peli bovojn plue; li pelis min eksteren; kvin el vi pelos centon^Z; peli siajn piedojn^Z (kiel eble plej rapide forkuri); la stratoj bolis per vivo kaj pelado^Z (sinpelado); kiu tro pelas, nur malakcelas [2]; sin peli^Z (vole rapidi); lacepeli, konsumpeli ĉevalon; (figure) la sorto pelis min en fremdlandon^Z; (figure) ne la espero de ia komerca akiro pelis min al via bordo^Z; la fluo pelas la boaton al la tero^Z; (figure) malvarma pluvo pelata (forblovata) de la ventego; (figure) pelos ilin brueto de falanta folio^Z; (figure) ŝi volis iri, kien ŝia kaprico ŝin pelos^Z; (figure) peli tagojn sen afero de mateno al vespero [3]; (figure) li faras sian taskon iele trapele^Z (kiel li estas pelata, sen propra volo, blinde, hazarde. trafe). puŝi 1

2.

Kuri por atingi, persekuti: kaj vi kuros, kiam neniu pelos vin; plej juna katido musojn jam pelas [4]; la sorto pelas (turmentas) lin kruele^Z; pli efike ol bato pelas malsato [5]; mortepeli cervon.

3.

Alvenigi iun al iu stato aŭ ago; instigi: la pastroj pelas tiun amason de altranguloj, kien ili volas kaj kiam ili volas^B; volupto ŝin pelis al la krimo^Z; peli iun en malesperon; enpeli iun en teruron per bruado^Z.. puŝi 2.

4.

Intensigi ian senton ĝis ia punkto: peli ĝis ekstremo la malamon^Z; peladi la singardemon tro malproksimen^Z.

pelilo

Programo, peranta inter la operaciumo aŭ ĉefprogramo kaj disponaĵo (ekzemple klavaro); i.a. ĝi traktas la interrompojn de la disponaĵo, envicigas la mendojn, tradukas la ordonojn en komandojn de la disponaĵo.

pelisto

Ĉashelpanto, kiu pelas bestojn al la kaptantoj: La arbaro de Hvidding enhavis pli ol tricent pelistojn, ĉar ili venis de Viskum kaj Fussingø kun ĉiuj siaj ĉashundoj [6].

ĉirkaŭpeli

Peli ĉiuflanken: kiam venis la dek-kvara nokto, kaj ni estis ĉirkaŭpelataj en la Adria maro, la maristoj eksentis ĉirkaŭ noktomezo, ke ili alproksimiĝas al ia lando [7]; (figure) ni jam ne estu infanoj, onde ĵetataj kaj ĉirkaŭpelataj de ĉiu vento de doktrino [8].

dispeli

Disigi pelante: dispeli la muŝojn; kantu por dispeli mian ĉagrenon^B; kiel dispeliĝas fumo, tiel Vi ilin dispelu [9].

elpeli

Elirigi pelante: estis tia vetero, ke oni eĉ hundon ne elpelus^Z; elpeli iun el la mondo de la vivuloj [10]; la elpelitoj (ekzilitoj); (figure) Malsaĝeco forte sidas en la koro de knabo; Sed vergo punanta ĝin elpelas el ĝi [11].

elpelisto

Gardisto de drinkejo aŭ amuzejo, kiu okaze de bezono elpelas malbonkondutajn klientojn: [li] la karieron komencis kiel elpelisto en mondfamaj amuzejoj [12].

forpeli

Forigi pelante; igi malaperi: forpeli la muŝojn; forpelu blasfemulon^Z; la suno forpelas la ombrojn; prunto amikon forpelas [13]; la faktoj forpelis la belan iluzion.

iele-trapele

Malfacile, pene, malglate, ne bonorde: vivi iele-trapele [14]; ĉio okazis kaj plue okazadas iele-trapele, hazarde kaj senplane, laŭ momentaj emoj kaj kapricoj [15].

repeli

Peli malantaŭen, retroirigi, malakcepti: ili estis el ... nedetruebla plasta materialo kiu repelas preskaŭ ĉiun alian substancon [16].