tradukoj: be de en es fr hu it nl pl pt ru

^*ŝancel/i

^*ŝanceli

1.

Forte puŝi starantan objekton tien kaj reen tiamaniere, ke ĝi povas renversiĝi aŭ fali, aŭ ke ĝi almenaŭ ne plu firme staras: la rivero sin ĵetis kontraŭ tiun domon, kaj ne povis ĝin ŝanceli; ĉar ĝi estis bone konstruita [1]. malstabiligi, skui, tremigi

2.

(figure) Malfortikigi, malfirmigi, endanĝerigi ion: la kresko de nia samideanaro iom post iom ŝancelos tiun baron; la plena de saĝo pastra partio ekŝancelis la aŭtoritaton de l’ faraono [2]; la lasta [mondmilito] ŝancelis la fundamentojn de la kapitalismo en Eŭropo [3].

3.

(figure) Hezitigi iun: tiu akcidento ŝancelis la kuraĝojn.

ŝanceliĝi

1.

Esti forte skuata kaj fariĝi facile falonta: li ŝanceliĝis kaj falis; liaj piedoj ŝanceliĝis; ŝanceliĝas la tero kiel ebriulo kaj balanciĝas kiel hamako [4]; ŝi ne iras rekte laŭ la vojo, ŝiaj paŝoj ŝanceliĝas [5]; ne ŝanceliĝu dekstren nek maldekstren [6]; la ŝipo glitis facile kaj sen forta ŝanceliĝado sur la glata maro [7].

2.

(figure) Esti malfortigita, malfirmigita, endanĝerigita: lia sano ekŝanceliĝis [8]; la enspezoj de la ŝtato ekŝanceliĝas^B.

3.

(figure) Heziti: vi nun komencas dubeme ŝanceliĝi^Z; Marta videble ŝanceliĝis momenton [9].

neŝancelebla

Tiom firma, konstanta, ke ĝin oni ne povas ŝanceli: ŝia volo estis tiel same neŝancelebla, kiel ŝia fido je la Eternulo [10].

senŝanceliĝa

Firma kaj senhezita en sia ago: senŝanceliĝa estas lia koro [11]. rezoluta