tradukoj: be de el en fi fr hu it la nl pt ru sv tr

⁹uni/o

⁹unio^Z

1.

Alianco, federaĵo, konfederacio, ligo aŭ simila unuiĝo de sociaj aŭ politikaj organizaĵoj, estiĝinta surbaze de iliaj komunaj interesoj: dogana unio; Eŭropa Unio; la potenca reĝino de la Unio, Margareto [1]; la unio de Litvo kun Polujo okazis en 1386 [2]; Latina Unio; Sovetunio.

2.

Aliĝo de kristana konfesio al la konfesio romkatolika en maniero, ke ĝi akceptas la romkatolikan dogmaron kaj la povojn administrajn kaj spiritajn de la papo de Romo, kaj konservas sian ritaron kaj la edziĝon de la pastroj: Liona unio de 1274; Florenca unio de 1439; Bresta unio de 1596.

3.

Datumtipa konstruilo en la programlingvoj Algol-68 kaj C, ebliganta malrigidigi la traduktempan tipkontrolon super la objektoj deklaritaj havi tian unian tipon.

uniano

Ano de romkatolika orientrita konfesio estigita per unio².
Rim. 1: Oni ne aplikas tiun vorton al la romritaj katolikoj, malgraŭ la ŝajne simetria senco de „unio“.
Rim. 2: Ŝajnas ke almenaŭ iuj unianoj ial malŝatas tiun nomon kaj preferas nomi sin „grekkatolikoj“. Tio estas evitinda, ĉar ankaŭ la greka ortodoksa eklezio ĉiam oficiale sin nomis „katolika“ (ortodokse, t.e. prave katolika), kaj tial „grekkatoliko“ same aŭ eĉ pli prave estas atribuebla al tiuj ortodoksaj kristanoj. Ĝusta termino, evitanta tiujn problemojn, estas „orientrita romkatoliko“.