tradukoj: af be bg br ca cs de en es fi fr he hu ia ie it iu ja kek nl pl pt qu ru sk sv sw to tp tr vo zh

^*unu[1]

^*unu

1.

Numeralo esprimanta la elementan nombron. Matematika simbolo 1: mi havas nur unu buŝon, sed mi havas du orelojn [2]; unu kaj unu estas du; unu hako kverkon ne faligas [3]; dolĉa sed ne daŭra odoro, ĝuo de momento unu^Z; du homoj povas pli multe fari ol unu [4]; unu soldato militon ne faras [5]; la komitaton elektis nur ia unu malgranda landeto^Z.

2.

(senfleksia adjektivo)
unika celon ni ĉiuj havas unu kaj klaran^Z; unu leĝo kaj unu rajto estu por vi, kaj por la fremdulo [6]; danke la unu gramatikon kaj la unu formon de la plej granda parto de la vortoj, la lingvo havos unu formon ĉe ĉiuj uzantaj ĝin^Z; nur en la unu domo, kiu staris kontraŭ la loĝejo de la ... scienculo, estis tre silente [7]; objektoj, kiuj ne estas esence ligitaj inter si kaj ne prezentas kune ian unu ideon^Z; koncerne la du kolonojn, la unu maron kaj la bazaĵojn [8]; unucela klopodo.

3.

(nedifina pronomo)
Kp iu²: la pli juna ... estis ... unu el la plej belaj knabinoj [9]; el ŝiaj multaj infanoj unuj estas bonaj kaj aliaj estas malbonaj [10]; la regado de unuj gentoj super aliaj estas restaĵo el antikva tempo^Z; unuj objektoj venis en unujn manojn, aliaj en aliajn manojn^Z; ili kuris la unuj post la aliaj.
Rim.: Male ol la numeralo unu¹, la pronomo unu havas regulajn fleksiojn plurnombre: unuj, unujn; sed escepte ĝia akuzativo ununombra kutime egalas nominativon; kp: unujn mi renkontis en Londono, aliajn en Parizo; sed: unu mi renkontis en Londono, alian en Parizo; unu (t.e. unun) el viaj fratoj lasu ĉe mi [11]. Tiu escepto estas ŝuldata al tio, ke ofte malfacilas distingi la pronomon unu disde la numeralo; tamen sporade (kvankam tre malofte) la logika formo tamen aperas, ankaŭ ĉe la bonaj aŭtoroj: la homo ricevas ŝarĝojn unun post alia [12]; Johano Paŭlo la Dua denove uzis Esperanton kiel unun el la pluraj lingvoj de sia tradicia beno [13]. Antentindas, ke en iuj tiaj pronomaj roloj povas aperi ankaŭ aliaj numeraloj („du el ni“ ktp) ‐ tamen nur „unu“ posedas fleksiojn plurnombrajn, estante difekta ununombre. [Sergio Pokrovskij]

4.

(determinilo)
Duondifina determinilo, esprimanta „specifecon“ (termino lingvistika), t.e. ke temas pri persono aŭ objekto fiksita, tute specifa, sed kies precizan identon oni ne scias aŭ ne volas indiki; ofte uzata por enkonduki en rakonton novan rolulon aŭ cirkonstancon: unu vidvino havis du filinojn [14] (temas pri certa konkreta vidvino; kp la plene nedifinitan „vidvinon kaj orfon ne premu“, kiu celas ne iun specifan, sed ĉian ajn vidvinon); en unu tago, kiam ŝi estis apud tiu fonto [15] (kp la ĝenerale nedifinitan „en varmega tago mi amas promeni en arbaro“). certa³, iu ³
Rim. 1: Pliparto da lingvoj kiuj ne havas artikolojn (ekzemple la rusa, Latino, la suoma) normale markas specifecon, kaj normale ne markas la nedifinitecon. Male, la lingvoj posedantaj nedifinan artikolon kutime konfuzas tiujn du determinojn; sekve, iuj gramatikoj kaj multaj okcidentaj esperantistoj konsideras tian uzon de unu „malfacile komprenebla“ kaj evitinda aŭ arkaika. Vd en PAG pri „duondifina determino“. [Sergio Pokrovskij]
Rim. 2: Ankaŭ en ĉi tiu signifo oni evitas la akuzativan formon unun, kaj eĉ la plurnombran formon unuj; anstataŭe oni preferas uzi la sinonimon certa(j)(n)³. [Sergio Pokrovskij]

^*unua

Estanta antaŭ ceteraj samspecaj objektoj.

a)

Laŭ la spaco: la unua vico en la teatro^B; la unua ĉapitro de libro; loĝi sur la unua etaĝo.

b)

Laŭ la tempo: oni ne forgesas facile sian unuan amon [16]; la sennuba idilio de ... ŝia unua juneco [17]; li la unua potence skuis la mondon por nia ideo^Z. frua

c)

Laŭ la rango: li estas la unua en sia klaso; tiel la lastaj estos unuaj kaj la unuaj estos lastaj [18].

unuaaĵo^Z, unuaĵo^Z

Unuaj produktoj de tero aŭ bestoj en la sezono: kiel unuaaĵon el via pasto alportu oferdone kukon [19].

unuaeco^Z

Unua rango: li ne povas doni la unuaecon al la filo de la amata [20].

unuaulo

Homo el la unua rango: ve ... al la eminentuloj de la unuauloj inter la nacioj ... [21]! elito

unuavenaĵo

unuaaĵo faru honoron al la Eternulo ... el la unuavenaĵo de ĉiuj viaj rikoltoj [22].

^*unue

En la unua loko: unue mi redonas al vi la monon, kiun vi pruntis al mi; due mi dankas vin por la prunto [23].

unuo

1.

Abstrakta kvanto, konsiderata kiel la elementa nombro, kiu servas por formi la ceterajn: la deko konsistas el dek unuoj^B; skribi ciferon en la kolono de la unuoj; ne estimante apartajn unuojn, ni neniam venos al grandaj nombroj^Z. guto, n-uma prezento.

2.

mezurunuo la Internacia Sistemo de unuoj; unu astronomia unuo, kies simbolo estas au, estas la averaĝa distanco inter a Suno kaj la Tero [24]; tempunuo.

3.

[25] Neŭtra elemento rilate al multiplike signata operacio.
Rim.: Tiun terminon subtenas nerekte ankaŭ [26], kiu tamen konservas por ĝi la nematematikan difinon, troveblan jam en [27]. Multaj aliaj fontoj uzas ĉi-sence nur neologismon „unito“ (ekz-e [28]), kies avantaĝon ni tamen ne kapablas vidi.

unueco

1.

Eco de tio, kio estas nur unu: la dogmo pri la unueco de Dio.

2.

Karaktero de tio, kies ĉiuj partoj kunligiĝas por konsistigi nur unu tuton: la unueco estas la plej grava principo de internacia lingvo; unueco donas fortecon [29]; romano, kiu havas unuecon (komponi); rompi la ŝtatan, nacian unuecon.

unuigi

1.

Kunigi plurajn objektojn en unu tuton: la animo estas unuigita kun la korpo; unuigi la fortojn^B; ŝi unuigis en si la ĉarmon kaj la saĝon.

2.

Kunigi per politika, religia, komerca aŭ simila ligo: la unuigita reĝlando de Granda Britujo kaj Irlando; la unuigitaj ŝtatoj de Norda Ameriko (Usono); ni ĵuris labori por reunuigi l' homaron^Z. kunfandi, kunmiksi

unuiĝi

1.

Kuniĝi en unu tuton: la oksigeno unuiĝas kun hidrogeno por naski akvon.

2.

Kuniĝi per politika aŭ simila ligo: proponi al ĉiuj amikoj de interpopola justeco unuiĝi en apartan grupon^Z; la Poŝta unuiĝo; tio alkondukos eble al la unuiĝo de la homaro^Z. akordiĝi, asocio, ligo, societo

unuhava

(p.p. ringo) Posedanta unuon.

unupeca

Konsistanta el nur unu peco. kompakta ¹, solida

imaginara unuo

La komplekso i.

malunueco

Plureco, diseco, malsameco de konsisto, de opinioj...: unueco estas forteco kaj malunueco estas malforteco [31]. bunteco², heterogeneco, malkonkordo

mezurunuo

Difinita kvanto elektita por taksi per komparo samspecajn kvantojn, kalkulante, kiomoble ili enhavas tiun kvanton aŭ frakcion da ĝi: la metro estas la universala mezurunuo de la longo.

monunuo

Mezurunuo, servanta por kalkuli monon.

mona subunuo

Subunuo de monunuo: soldo estas malnova franca mona subunuo.

pli ol unu

pluraj pli ol unu viro forlasis altan rangon por virino [32].

subunuo

Frakcio de mezurunuo) (malpli granda ol unu); plejofte temas pri divizoro: centimetro estas subunuo de metro; metro estas subunuo de kilometro.

superunuo

Mezurunuo, kiu estas oblo de la baza: kilometro estas superunuo de metro.