tradukoj: be bg de en es fr hu nl pl pt ro ru

³vari/i [1]

varii

1.

Ŝanĝiĝadi laŭ iu maniero sen daŭre perdi siajn esencajn trajtojn; ŝanĝiĝi laŭ nur kelkaj ecoj, sed ne laŭ aliaj: ilia muzikstilo tre varias kaj ili ĉiam bonege distris la homojn; la rakonta teniko varias, de klasika kronikado ĉe Auld ĝis vigla dialogo ĉe Guglielminetti [2].

2.

Deviadi de averaĝo ene de certaj limoj; ŝanĝiĝi laŭ la valoro, laŭgrade: informoj pri nombroj de parolantoj varias en diversaj fontoj [3]; la prezo en urbaj hoteloj varias de 50 ĝis 150 eŭroj.

3.

Diversi ne esence, sed per etaj malsamoj: la signifo de tiu vorto varias de lingvo al lingvo (la signifoj diferencas subtile, sed ne esence); la kialoj varias de unu familio al alia, sed plej ofte temas pri ia kombino de la motivoj ĉi-subaj [4]; birdoj ene de la sama lando varias je rimarkinde malgranda grado [5].

varianta

1.

Kiu varias.

2.

[6] Libere elektebla ene de iu aro; estanta variablo: lineara ekvacio kun variantaj koeficientoj. konstanta

varianto

variablo

variaĵo

Kopio diferencanta de la originalo en iu eco; individuo aŭ grupo de individuoj diferencanta de la tipo per iu eco: temo kun variaĵoj; la sangofago estas variaĵo de la specio fago (t.e. subspecio, karakterizata de ruĝkoloraj folioj); profesoro de botaniko [...] pririgardis la kreskaĵon, gustumis ĝin, sed [...] neniel povis trovi, al kiu klaso ĝi apartenas; „tio estas variaĵo“, li diris [8].

variema

Ŝanĝiĝanta laŭ la cirkonstancoj: variema vetero, vorto.

variigi

Modifadi, kaŭzi variadon, diversigi: aparte en la provinco Guangxi mi komencis rimarki, ke iuj lokaj legomoj agrable variigas la guston de la viandoj [9].