tradukoj: be br en es fr it nl pt ru sk

^*afekt/i [1]

^*afekti

1.

Alpreni (sintenon), ŝajnigi (senton, kvaliton) per nenaturaj, nesimplaj, troaj manieroj: afekti solenan sintenadon, gravan mienon, grandaniman konduton, kavaliran pozon...; afekti amikecon, indiferentecon, piecon, simpation, saĝon, virton...; sinjorino Kukŝin ellasis siajn demandojn unu post alia kun afektita malzorgeco [2]; pretekstante la grandan influon, kiun ili afektis atribui al mi, [ili] volis tiu- aŭ alimaniere proprigi min al si [3]; facile estas [...] iri kolekti sablon kaj ŝtonojn [...] kaj afekti mienon de naturesploranto [4].

2.

(abs.) Afekti¹ superecon, altan socian rangon, kapricemon k.a. por altiri al si atenton, respekton: ne afektu, infano, kaj ne enmetu al vi frenezaĵojn en la kapon! [5]; vi bone diris tion: simple, ne hontante kaj ne afektante [6]; jen ŝi komencas afektadi antaŭ la spegulo [7]. koketi, pozi, dando.

afekto

Sinteno de tiu, kiu afektas:

a)

kiom aĉas la afekto komplezi al duonvivul' [8].

b)

same kiel liaj prozoj, liaj poemoj kun stilo freŝa sentigas nenian afekton [9]; ekzistas aspektoj de George Bush kiu[j]n ĉiu konas: ekzemple lia manko de afekto [10].

Rim.: Pro nacilingva influo aŭ simileco de la formoj oni foje konfuzas ĉi tiun vorton kun efekto, afekcio, aŭ korinklino.

afekta

1.

Afektanta: Seabra evidentiĝas ne afekta, sed aŭtenta, maldekstrulo [11]; la aŭtoro [verkas] en la vortumema frazado de humila kaj afekta duonklera farmbienisto [12]; subite la geamantoj sin liberigis reciproke, el preno kaj teno, kaj afekte senkulpaj ili dissidiĝis [13]; Ŝol starigis la klasikan demandon en dolĉafekta tono (tono afektanta dolĉecon) [14]; [mi estas ludilo] de ilia mildafekta malico [15]. afektema

2.

Montranta ies afekton: afekta voĉo, parolmaniero, rideto; kiam oni ludas en afekta maniero, lia muziko estas abomeninda [16]; Stanjo tiel kondutis kun mi, ke mi ne povis ekskludi afektan strebon vundi min [17]; Rita afekte levis al li admone minacan fingron [18].

3.

Afektita: ne turmentu min kiel antaŭe per vanaj duboj kaj afekta malvarmo [19]; li donis al ŝi la kajeron kun la brulnigriĝinta rando, la sekan rozon, la foton kaj, kun afekta zorgemo, la ŝparkasan libreton [20].

afektaĵo

Konkreta elemento de afekta konduto: la ideo pri nacieco facile povas tiel etendiĝi, ke ĝi fariĝos afektaĵo [21]; [en ŝia konduto] mi trovis ian formon de ĝentileco, [...] kiu miaopinie ja valoras tiun de la afektaĵoj [22]; [vidante la malordemon de mia kunloĝanto] mi ekhavigis al mi virtajn afektaĵojn [23].

afektema

Ema afekti: kiel afektema estas la nuntempa junularo! [25]. afekta¹

afektulo, afektulino

Tiu, kiu kutime afektas: la viroj nomis lin afektulo, sed sekrete enviis lin [26]; hipokritulo ŝajnigas por kaŝi, afektulo por paradi; „afektulino!“ moke respondis la kolumo [27]; pruduloj, hipokrituloj, [...] ĉastafektuloj, [...] rancaj gevirguloj, vi verŝajne malatente legis la titolon de tiu ĉi anekdotaro [28].

senafekta

Montranta nenian afekton: antaŭ 70 jaroj kvar senafektaj knabinoj en familio Zhang fondis la gazeton „Akvo“ [29]; Remus Gordens senafekte enpaŝis la oficejon kaj lasis sin sinki sur la indikitan seĝon [30].