tradukoj: cs de en fr hu nl pl pt ru

^*inklin/a

^*inklina

Daŭre aŭ nedaŭre impulsata al io de natura movo de la animo: inklina al virto, por studo, al obeo, al kontraŭdiro, por matematiko; mi estas inklina akcepti vian proponon ne fari tion^Z.

inklini

Esti inklina, havi, senti inklinon al: mi inklinas akcepti; oni tro inklinas forgesi; mi inklinas al la opinio, ke...

inklino

1.

Natura daŭra aŭ nedaŭra impulso de la animo al io aŭ iu: infana inklino restas ĝis la fino [1]; li havas inklinon al la maldiligenteco; la popolo havas inklinon al malbono [2]; deziro kaj inklino ordonon ne obeas [3]; havi la inklinon entuziasmiĝi^Z; kiam mi zorge sondas [mian koron] mi apenaŭ trovas en ĝi ian restaĵon de riproĉinda inklino [4]; havi inklinon (korinklinon) por iu^Z; edziĝo pro inklino (pro amo). emo, instinkto, tendenco, volonteco.

2.

[5] (de rekto, rilate tian ortan ununorman koordinatsistemon (O, i, j), ke j ne direktas la rekton) La konstanta rilato de la diferenco de ordinatoj de du punktoj de la rekto al la diferenco de iliaj abscisoj; simb. a = (y₂-y₁) / (x₂-x₁): la kartezia ekvacio de rekto kun inklino a estas de la tipo y = ax+b; la inklino egalas al la tangento de la angulo inter la abscisa akso kaj la koncerna rekto. angula koeficiento.

inklinigi

Igi inklina: tio, anstataŭ inklinigi (favorigi) ilin al nia afero, ankoraŭ pli ilin malproksimigas de ni^Z; sincera pento inklinigas la mastron al pardono; ĉiuj, kiujn inklinigis la koro, alportis [...] oran oferdonon al la Eternulo [6]; via orelo atente aŭskultos saĝon kaj vian koron vi inklinigos al komprenado [7]. klini, tiri.

inkliniĝi

Iĝi inklina: mi inkliniĝas sekvi vian konsilon; ilia koro inkliniĝis al Abimeleĥ, ĉar ili diris: Li estas nia frato [8].

malinklina

Sentanta naturan movon de la animo forpuŝantan de io: li estas malinklina al, kontraŭ ĉiaj oficialaj ceremonioj; malinklina por plenumado de tiaj faroj^Z; mi ne estas malinklina ekscii ion de la misteroj de supera mondo^Z; mi neniam pli sentis mian naturan malinklinon al mensogado, ol dum mi verkis la Konfesojn [9]; mi malinklinis prisilenti aŭ vuali ion ajn min kulpigantan [10]. abomenanta, malema

korinklino, kora inklino

Ama inklino: tiel same ni, sentante por vi koran inklinon, volonte tiam dividus kun vi [...] niajn proprajn animojn, ĉar vi fariĝis por ni tre karaj [11]; mi estus aminta la homojn spite ilin mem, nur ĉesante esti [amemaj] ili povis elŝoviĝi el mia korinklino [12]; ili korinkliniĝis unu al la alia [13]; tiuj, al kiuj mi komplezis, korinkliniĝis al mi eĉ pli pro dankemo, ol pro intereso [14].