tradukoj: be cs de en es fr hu it nl pl pt ru

^*dolor/i [1]

^*dolori

(io) Sentigi al iu tre malagrablan korpan aŭ spiritan impreson: ne doloras frapo sur fremda kapo [2]; tia operacio tre doloras^Z; ili batis min, sed ĝi min ne doloris [3]; dum la frosta vetero mia reŭmatismo min doloras; min doloras ĉi tie^Z; la kruro doloras min, al mi; doloras lin la malfavoro [4]; forte min doloras la nepovado helpi vin^Z. mia kruro doloras; ĉu ne doloris miaj ostoj post la longa vojaĝo [5]; ankaŭ dum ridado povas dolori la koro [6]. aflikti, ĉagreni, dolorigi, suferigi, turmenti
Rim. 1: Oni uzas tiun sensufiksan formon, se oni precipe konsideras aŭ atentigas la subjektivan senton kaj la konscion de la estigata doloro.

dolorigi

(iu aŭ io) Kaŭzi al iu tre malagrablan korpan aŭ spiritan impreson: kurante mi dolorigis al mi la piedon; ĉu mi dolorigis vin? espero prokrastata dolorigas la koron [7]
Rim. 2: Oni uzas tiun sufikshavan formon, se oni precipe konsideras aŭ atentigas la objektivan kaŭzon de la doloro
Rim. 3: Oni ofte uzas la simplan vorton dolori anstataŭ dolorigi.

doloro

1.

Tre malagrabla korpa impreso: senti en la brusto akran mordantan^Z, kruelan doloron. sufero.

2.

Tre malagrabla spirita sento, malplezuro, aflikto: mi havas doloron en la animo [8]; rigardi kun doloro la reciprokan fremdecon, kiu dividas inter si la filojn de sama lando^Z.

dolora

1.

Sentiganta doloron: dolora vundo, dento; tre dolora estas por ĝojanto refalo tro subita en malĝojon^Z; vi ne puŝu tiel dolore^Z.

2.

Esprimanta doloron, estigita de doloro: dolora krio; dolorege plori^Z.

doloriga

Doloriganta: ŝi dolorige surtretis la piedojn de la maljuna virino [9]; la knaboj maldelikate kaj dolorige premis la birdon en la manoj [10].

doloriĝi

Senti doloron.

kapdoloro

Doloro sentata en la kapo: suferis la junulino fortan kapdoloron [11].

kontraŭdolorilo, sendolorigilo

Rimedo, medikamento kiu mildigas aŭ forigas doloron: iu suferanto de frunta doloro prenis sendolorigilon dum unu semajno, sed la malsano pligraviĝis [12]; patrina lakto efikas al novnaskito kiel kontraŭdolorilo [13]. anestezilo

sendolora

Sentiganta nenian doloron.

sendoloreco

Stato, en kiu oni ne sentas doloron eĉ kun vundo aŭ alio normale kaŭzanta doloron: komence mi povis ricevi sendolorecon per terapio, sed post certa tempo la doloroj reaperis [14]. analgeziosensenteco

sendoloriga

Foriganta la doloron.