tradukoj: be ca cs de en es fr hu nl pt ru uk

^*sufer/i

^*suferi

1.

Senti doloron korpan aŭ mensan: kapo pekas, piedoj suferas [1]; eĉ muŝon li ne povas vidi suferi; suferi de la varmo^Z, pro varmo; suferi de la suno^Z; suferi pro malvasteco de la loĝejo; suferi de soifo^Z; suferi malsaton^Z; ni ambaŭ suferas la saman malsanon^Z; la popolo suferis pro manko de akvo; mieno lia montris pli suferon, sed ne koleron^Z; suferego lin atakis, doloro kiel ĉe naskantino^Z; transiro de suferoj al ĝojo^Z; tranĉi al si la piedojn kaj sin suferigi^Z (vundi); la varmego lin suferigis^Z; suferplena ĝemo^Z. doloro, turmento

2.

Sperti malfeliĉaĵon, malagrablaĵon, malprofiton: suferi grandajn perdojn^Z, krizon; suferi atakojn, malestimon^Z, ĉiujn kapricojn de la sorto^Z, tiranecon; suferinto pli valoras ol lerninto [2]; nur suferinto ŝatas feliĉon [3]; la popolo suferas grandan mizeron, pezan premadon; vidu, kion mi suferas de miaj malamikoj^Z; li multe suferis pro siaj opinioj; multe ni devis suferi de tiu malvasta pseŭdopatriotismo^Z; kiun suferas la esperanta afero de mia pure persona kontrakto?^Z kiu el vi iom suferas de tio, ke mi faras tradukojn por la Revuo?^Z elporti tiom da feliĉoj kaj tiom da suferoj mi ne povas^Z; tertremo suferigis la insulon; la insulo estas suferigita de la tertremo.

a)

Esti en malbona stato pro nenormala manko de bezonaĵo: junuloj ofte tre suferas je absoluta manko de singardo^Z; nia movado suferis ĝis nun pro gravaj mankoj; li suferas pro stranga ĝeno pri parolo^K; ni estas nur homoj kaj suferas pro homaj difektoj.

b)

Difektiĝi, malprosperi: nia negoco tre suferas de tia situacio; suferi pro, sub krizo; la internaciaj interrilatoj tre suferas pro la multeco de lingvoj; sub tia reĝimo ili mizeras kaj suferas.

mizero, porti, sperti, viktimo

3.

Ricevi la efikon de ago, esti trafita de iu ago: post verboj havantaj sencon aktivan la akuzativo montras la suferanton de la faro^Z; la konferenco suferis interrompon (estis interrompita).